Toe faaui i tua le avea ma Sui Faatu

260 Hits

TASI UA I LALO MA LE ISI TASI  O LOO TOTOE: Sui Usufono o le Palemene o Amituanai Fagaivalu Samu ma la na loia o Helene Wallwork Lamb i le Faamasinoga.

TASI UA I LALO MA LE ISI TASI O LOO TOTOE: Sui Usufono o le Palemene o Amituanai Fagaivalu Samu ma la na loia o Helene Wallwork Lamb i le Faamasinoga.

Pai Mulitalo Ale 

Faaliliu e Seagaitumua Tupuola

 

O le tuuga mo le nofoa o Aleipata Itupa i Luga i totonu o le Palemene ua faaitiitia i le to’alua o sui faatutū.  Ua tulai mai lea tulaga ina ua uma se faaiuga mo le sui faatu lona tolu, o Taula Faulaau Sini, ina ia faauiese lona avea ma sui faatu mo le palota ananafi.  

O lea la tulaga ua tuua ai le tauvaga i le Sui Usufono o loo i ai nei o Fagaivalu Kenricki Samu ma Leo’o Dr. John Adams.  

Ae peitai-afai e manuia le lu’i a Fagaivalu i le tulaga agavaa e faasaga ia Leo’o, o lona uiga, o le a leai se faiga-palota a le itumalo i le aso 4 o Mati 2016.  

I le amataga o lenei vaiaso, na faaulu e Fagaivalu ni lu’itau se lua tau le agavaa e faasaga i ona fili. 

E ui lava ina ona taua se faasalaga talu ai e faasaga ia Taula, ae o lana finauga e faapea e lei faamalieina e Leo’o le mana’oga tau monotaga o loo i totonu o le Tulafono o Faiga-Palota. 

O lea mataupu na tuuina atu i luma o le Faamasino Sili, Patu Tiava’asu’e Falefatu Sapolu, ananafi. 

Na faailoa atu e le loia a Taula o Te’o Richard Faai’uaso i le Faamasinoga e faapea o lana paaga ua uma ona ia faaui i tua lona avea ma sui faatu i le Ofisa o le Komesina o Faiga-Palota. 

Na te lei tuuina atu se mafuaga. O le loia a Amituana’i o Helene Wallwork, na ia faamaonia foi lenei itu i le Faamasinoga. .

Ona soso’o ai lea ma lona faaui i tua o le lafo e faasaga i lea itu tete’e i lana paaga. 

Na talia e Lana Afioga lea tulaga.  I le taimi nei, o le fofogaina o le lu’i a Fagaivalu e faasaga ia Leo’o ua uma ona faatulaga mo le aso 23 o Fepuari 2016, o le Aso Lua lea o le vaiaso fou. 

© Samoa Observer 2016

Developed by Samoa Observer in Apia