Ua uma ona saini le foa’i e $16.2miliona

414 Hits

FAAFETAI LAVA : Palemia o loo vaaia le Malo , o Tuilaepa Sa’ilele Malielegaoi ma Mr John Stanley o le Iuni a Europa.

FAAFETAI LAVA : Palemia o loo vaaia le Malo , o Tuilaepa Sa’ilele Malielegaoi ma Mr John Stanley o le Iuni a Europa.

O ananafi na saini ai e le Palemia o loo tausia le Malo o Tuilaepa Sa’ilele Malielegaoi se foa’i e $16.2 miliona ma le Iuni a Europa (E.U). O lea tupe o se vaega lea o lana “Polokalame o le Lagolago Tau Tupe mo le Suavai & le Tulaga Mama ma le taumafaiga  faaauau pea a le Millennium Developmene Goals Initiative.”

O le polokalame a le E.U. e faatūtū i le faamalosia o le suavai ma lona tulaga lelei ma tuuina atu lona sao i mataupu tau le suiga o le Tau i totonu o Samoa. O Tuilaepa o ia foi o le Ofisa Tau le Pulega o le Atunuu. 

O le Iuni a Europa sa fai ma ona sui le Faauluuluga o le Ofisa o le E.U i totonu o Samoa, o John Stanley. O le faaaogaina o lea tupe e lagolago ai le faatinoina o le “Water for Life Sector Plan” a Samoa ma e faasino faapitoa i le faatinoina a le atunuu lautele i tausia o le tulaga mautu tau tamaoaiga itiiti, faamalosia o ana faiga tau le Pulea o ana Tupe a le Malo  faapea foi ma le faatinoina o le Fuafuaga Tau le Suavai ma le Tulaga Lelei o lea Fuafuaga.

“Ou te faafetaia le Iuni a Europa mo le faaauauina pea o lea lagolago mo Suavai ma le vaega tau le Faaleleia i totonu o le sefulu-lua tausaga talu ai ma ua mafai ai ona ausia le tulaga faalelei e ala i le mautinoa o le avanoa i le suavai saogalemu ma le lelei i tagata o Samoa,” o le faaaliga lea a Tuilaepa.

O atiina a’e aoga o i totonu o lea vaega ua aofia ai le tulaga faagasolo i luma i le tuuina atu lea o le faamuamua i nofoaga e tali ai le suavai, ma faateleina ai le aoina o tupe maua, tulaga sologa lelei, faaleleia atili o le ituaiga o suavai, faateleina o le maua o tane faa-ona-po nei i totonu o Apia ma le faaitiitia o le tulai mai o lologa i totonu o lona itumalo autu tau pisinisi.

I lona ta’ua o le faama’apeina o lea foa’i, fai mai le Amapasa o le Iuni a Europa i le Pasefika o Andrew Jacobs, “O le Suavai ma le Vaega Tau le Tulaga lelei o le suavai ua uma ona ia faia ma o loo ona faia se laasaga auiluma taua tele tau le faatinoina o le Suavai mo le Life Sector Plan. 

“O le Iuni a Europa, e ala i se faiga felagolagoma’i ma le Malo o Samoa, ua faamoemoe e faaauau pea lana lagolago i lenei vaega taua tele mo se lumana’i e le o iloa.” O le suavai ma le vaega o le tulaga mamā o le suavai ua loa ona ta’ua o se faamuamua a le atunuu i lalo le Fuafuaga mo le Atiina A’e o Samoa i le taimi nei (2012-2016), ma o loo faaalia ai itu faigata o le suiga o le tau i le vaega tau suavai ma le mana’o ina ia taula’i le vaai i fufuaga e mafai ona fo’ia ma faaleleia ai. 

O le galuega a le EU “Water & Sanitation Sector Budget Support Programme” o lona faamoemoe e lagolago le Water for Life Sector Plan 2012-2016 a le Malo o Samoa faatasi ma le faamoemoe e tuuina atu o se suavai faatuatuaina, mamā ma le taugofie ma le tumama faavae mo tagata uma o Samoa ina ia faatumauina ai mea faaleleia tau le soifua maloloina lautele ma aveese ai mea faatiga aemaise ai lava vaega o tagata e sili ona afaina ai.  

© Samoa Observer 2016

Developed by Samoa Observer in Apia