O tupe mea uma - Sani
E le faigofie i a Sani Howard le olaga o lo’o ua i ai nei le soifuaga.
O ia o se tamā mai le afio’aga o Nu’u ma e to’alua lana fanau.
Ina ua maua le fa’atalatalanoaga ma le Fofogao Samoa sa ia fa’ailoa le tulaga faigata o lo’o ua i ai nei lo latou aumau ai le nofoaga.
‘Ia o matou e le’i leva ona o matou omai iinei ma pe a ma se ono masina talu ai.
‘E pei ona outou maitauina mai ia o lenei e le’i uma ona fau si o matou fale nei.
“Ia e pei e fa’alagolago lava mea uma i le tupe e mafai ona maua mo le tausia ai o si o matou aiga.
Na ia fa’ailoa e le’o mafai ona maua se eletise ma se suavai aua le tausiga o le aiga mai lea aso i lea aso.
“E pei ona ou fa’ailoa muamua atu lava ia e faigata lava mea uma o lo’o ua fa’atinoina nei ona e pei e agai lava i le tulaga foi le le o le mafai ai lea ona maua se tupe.
“Aua a leai se tupe e leiloa pe fa’apefea ona fa’atino o lo’o ua fa’atinoina nei.
“O le itu pito sili ona fa’ataua i le taimi lenei o le mafai lea ona fa’atinoina o so’o se vaega aua le soifua lelei o si o’u aiga aemais e o le fanau nei.
Na ia ta’ua foi o le taimi lenei o tupe o lo’o mafai ona maua i nisi o vaega o lo’o mafai ona fa’atauina atu i nisi o le vaega o le atunu’u o lo’o fesoasoani tele.
“Ia a maua mai le tupe mai le fa’atauina o vaega nei ia ona toe aumai foi lea toe fa’atau mai ai nisi o vaega mo le toe tu’uina atu foi e fa’atau.
“O le uiga o la’u tala ia o lena lava le tulaga olo’o ua i ai nei le soifuaga.
“E faigata lava la ona maua se tupe lelei lava aua e sau toe alu foi i le fa’atinoina o vaega nei e pei ona fa’ailoa atu.
O le isi tulaga sa ia fa’ailoa o le toe a’e ai o le fanau i le aoga.
“Ia e pei o le isi lea avega lea pei e foli mai tua i le amataga ai o lenei tausaga.
“Ae fa’alagolago lava mea uma i le alofa ma le agalelei mai o el Atua.
“O le itu pito sili ona taua o le mafai lea ona fa’atino o vaega nei aua le lelei alu i luma o aiga.
‘Aemaise ai le taugata o le tau o le soifuaga o lo’o ua tatou i ai nei.