Mana’omia e Atonio Paniolo sana Galuega

By Ulimasao Fata 03 October 2017, 12:00AM

Na feiloa’i atu le Fofoga o Samoa ma le alii talavou lenei o Atonio Paniolo mai le afioaga o Leauva’a Uta a’o ia aga’i atu I le fale mai ana galuega sa faia I lana ma’umaga.

Fa’aalia e Atonio Paniolo, o ia e 20 le matua o lona soifua ae o ia ua fai ma fatu aiga tausi I totonu o lona aiga.

Na taua e le alii O Atonio I le fa’atalatalanoaga ma le Fofoga o Samoa, o ia e ui’i ai lava I le latou fanauga ae ua fai aiga uma ona tuafafine matutua ma ua aga’i foi I aiga o lo’o maupaolo ai ma nonofo ai.

Na taua e Atonio, na ia tuua le aoga i le maliu ai o le Tuaa o lona tina.

“Na mae’a loa la’u vasega valu I le aoga tulaga lua a Leauvaa ou le toe fia alu loa I se aoga talu le maliu ai o lo’u Tama matua.

“Na ou le toe foi atu I le aoga ona na ou mafaufau e sili le nofo e alu le ma’umaga e fai se meaaoga I lea nofoaga ma fesoasoani I o’u matua.

O lo’o faapea lava ona tausisi le uso ia Atonio I le maumaga talu mai le nofo mai mai le aoga, pei ona molimauina e le Fofoga o Samoa I le aso ananafi.

“Ua ou lgonaina le sese o la’u faaiuga sa faia muamua I le tuua lea o le aoga ona e mo’I lava I le ma’umaga ae peita’i e le mafaia ona kava uma ai mea fai a le aiga atoa, aemaise ai le totogiina lea o pili o le suavai ma le eletise”.

“O le taimi nei o lo’o ou taumafai pea lava e su’e sa’u galuega e fesoasoani ai foi I se mea lava e maua mai le ma’umaga, o lo’o ou taumafai foi e saili se auala e mafaia ona ou fesoasoani ai I nai o’u matua aua le tausiga o le matou aiga aemaise ai pe a ua fia mmaua se seleni”.

O lo’o fa’aauau pea lo’u galue malosi I le taimi nei aua le tausiga o le matou aiga, o mea uma foi o lo’o ou galue iai o la’u lea naunautaiga ina ia ou galue ma ia faapena ona tausasami le matou aiga I ata galuega faatino”.

Fa’aalia foi e le uso ia Atonio Paniolo o loo ia matua faamalieina lava I lana galuega o lo’o faia nei ma o lo’o ia tatalo foi ina ia vave maua sana galuega mai so’o se kamupani lava i Samoa nei au asana avanoa e faigaluega ai ma tausi ai lona aiga o lo’o iai nei.

By Ulimasao Fata 03 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>