Sauni Namulau’ulu e fa’atino ona tiute

161 Hits

Namulauulu Alama Ieremia.

Namulauulu Alama Ieremia.

Fa’aliliuina: Iliā L Likou

 

O se toe fa’atulaga mai ai o le ‘au o le atunu’u i lona paū maualalo mai ai le Ipu o le Lalolagi o lo’o ua fa’ailoa mai nei le finagalo maumaututu a le faiaoga fou, Namulaulu Alama Ieremia  i le mafai ai lea ona toe fa’aleleia.

O le vaiaso lenei na to’ai taunu’u mai Namulauulu i Samoa nei, lea o le a ia fa’atinoina ai ni suiga fou ma le lelei mo le ‘au a le Manu Samoa aemaise o lona tauaveina ai o ona tiute e pei ona ua tofia ai nei o ia

“O le lumana’i o le ‘au a le Manu Samoa o lo’o ua matua’i mana’omia tele le fa’aleleia atili o le ‘au o le 20 tausaga aga’i i lalo ma le vaega o lo’o i le Polokalama A” o lana tala mai lea. 

 “E ao lava ona fa’aleleia ma ia tele se aga’i i luma o vaega taua po o ‘au ia ina ia mafai ona tele se sao o tama ta’a’alo mai fafo mo le Manu Samoa.

Mo Namulauulu lava ia, e mo le fa’aleleia ai o vaega nei aemaise o le atina’e o le ta’aloga i tupulaga laiti ma le aga’i atu i le Ipu o le Lalolagi – e ao lava ona i ai ni ta’amilosaga e fa’atinoina.

 “O lo’o i ai le naunautaiga tele mo le fa’alautele ai lea o  tulaga uma nei aemaise o le atina’e o le lakapi i le atunu’u.

 “O se agaga fiafia tele ona ua mafai ona i ai le vaega o ‘au-lakapi-fa’asauni i totonu le Iuni i le taimi lenei.

Saunoa Namulauulu, o  lo’o tele lava se silasila i le taimi lenei i tama ta’alo mai fafo ma  o lo’o i ai lona taofi e fai sina tuai o le taimi e tau fo’ia ai lea tulaga, ma o le agaga maualuga lava o le atina’e lea o alo ma tama fanau o le atunu’u.

Na ia ta’ua fo’i e fa’apea o le aso ananafi o lo’o ua ma’ea nei se fono a le Iuni aua fuafuaga alualu mamao aemaise o le itu i le si’itia ai lea o tomai e ao ona va’ava’ai i ai i le aga’i atu ai i le isi fa tausaga o lo’o lumana’i nei.

 “O lo’u iloa i ai o se amataga lelei tele lea, ma o le a galulue fa’atasi ma le Lakapi Iuni ina ia mafai ona taunu’u fa’amoemoega e pei ona nanau nei i ai.

O le tauivi ma ola finau i ai ma le filiga aemaise o le malamalama lelei o vaega uma o nisi ia o vaega taua e ao ona taula’i i ai.

E ui o se la’asaga tele o le a i ai nei o ia mo le faiaoga o le ‘au a le atunu’u ae o lo’o ia mafanafana pea a’o fa’asauni atu mo le ta’aloga i le masina o Iuni.

 “Mai lo’u iloa fa’alefaiaoga e ao lava ona maioio lelei vaega uma.” o lana tala lea.

“E ao lava ona  i ai se amataga fou ina ia fa’apea ona tapena lelei i ai i nisi o tama ta’a’alo mai fafo ma Samoa nei.

 “O lo’o o matou galulue ina ia mafai ona sologa lelei mea ae le gata i lea o le fa’amautuina pea lea o le lelei o le pulega fa’afaiaoga aua se lelei o le tatou ‘au.

O Namulauulu Alama Ieremia na sao atu i le Manu  Samoa i le 1992-1993.

Sa amata ona ta’alo i le ‘au tele a le Olopeleki mai le tausaga 1994-200 ma e 7 tausaga na i ai o ia I totonu o Iapani lea na ia ta’alo ai mo le 4 tausaga ma faiaoga mo le 3 tausaga. O le tausaga e 2009-2014 na avea ai ma faiaoga a le Hurricanes ma fa’aiu ai ma Fa’ufautua mo le Manu Samoa mai le 2014-2015.

© Samoa Observer 2016

Developed by Samoa Observer in Apia