Sao se Aveta’avale mai se fa’alavelave mata’utia

227 Hits

Se vaaiga i Tuana’imato i le vaega tonu na mafuli ai le loli .

Se vaaiga i Tuana’imato i le vaega tonu na mafuli ai le loli .

Tusia - Vatapuia Maiava

Faaliliu e Seagaitumua Tupuola

 

O se alii faamatuā-tagata o loo ona faitauina i le asō ona fetu laki ina ua faasaoina mai se faalavelave mata’utia tau taavale i le Fale Taalo  i Faleata ananafi. Na toso ese Keneti Kosi mai mai vaega malepelepe o se loli sa na aveina ina ua mafuli ma tofu i totonu o se utu i Tuanaimatou pe tusa lea o le itula e 1 i le aoauli.

O lea loli sa la’uina ai oneone i le taimi na lavea ai.

 “Sa le mafai e le avetaavale ona faafoe le taavale ona sa saoasaoa tele ma sa na aveina se uta mamafa,” o le faaaliga lea a se tasi sa tu latalata i ai.  Sa vave ona taunuu atu le Matagaluega o le Tinei Mu, Leoleo faatasi ai ma se taavale a le falema’i.

Na latou toso ese Mr. Kosi mai le nofoaga na lavea ai le taavale ma avatu o ia i le falema’i. O Mr. Kosi, 36 o Lepea ua fai aiga ma e i ai lana fanau. Na pagatia o ia mai manu’a i lona ulu ma vae ma sa taofia o ia i le falemai i lea po. 

Mulimuli ane, na faaalia e se alii ofisa o Galuega Lavea’i i le Samoa Observer e leai ni taofi o lea loli. O le itu o le avetaavale sa matua nuti lili’i. O se vavega ua ola ai le avetaavale, o le faaaliga lea a le isi alii o galuega lavea’i. Sa faaaoga se siligi e sisi ai i luga le loli a’o galulue le vaega a Leoleo ma le tinei-mu e tipi u’amea o le fale o le taavale ae sisi mai i fafo le avetaavale.

© Samoa Observer 2016

Developed by Samoa Observer in Apia