Lapata’ia le Atunuu e uiga i le tulaga tau tupe o le Malo

262 Hits

Minisita Faaolioli o Tupe a le Tautua Samoa Party o Afualo Dr. Wood Salele. (ata i totonu) Tupa’imatuna Iulai Lavea

Minisita Faaolioli o Tupe a le Tautua Samoa Party o Afualo Dr. Wood Salele. (ata i totonu) Tupa’imatuna Iulai Lavea

Tusia - Lanuola Tusani Tupufia

Faaliliu e Seagaitumua Tupuola

 

Ua lapata’ia e le Minisita Faaolioli o Tupe a le Tautua Samoa Party o Afualo Dr. Wood Salele le atunuu e faapea o le tulaga tau tupe o le atunuu e le o toe saogalemu i lalo o le ta’ita’iga a le faiga-malo o loo i ai nei. Sa faatūtū lana faaseā i le Ofisa Sili o Pulega o le Matagaluega o Tupe-o Tupa’imatuna Iulai Lavea-o ia lea na talosagaina ina ia faamavae.

Fai mai le Sui Usufono o le Palemene mo Salega-o le ta’ita’iga a Tupa’imatuna o le Matagaluega o Tupe ua mafua ona pei o le paluni le aitalafu a Samoa i fafo lea ua sili atu i lo le Piliona tala. 

Na tuuina atu e Afualo lea lapata’iga e tali atu ai i le mau a Tupa’imatuna e faapea- e leai se tupe o pa’ū poo se tupe gau o loo i totonu o le Tala Faatatau Faaopoopo o Tupe (Nu.1) 2015. 

Sa faaaliga e lea Ofisa Sili o Pulega lea itu i totonu o se pepa faalauiloa o le tausaga talu ai. Fai mai a ia o le tupe pa’ū e $447,000 na taua i totonu o se pepa o faamatalaga e Afualo e tau faasese ma ana le seanoa faaunegatupe, semanu e le ‘ausia e le atiina a’e le tulaga ua i ai nei. 

Ae peitai-sa teena e Afualo lea itu ma faimai-o manatu faaalia o Levea e tau faasese. 

Na tapā foi e le Sui Usufono o le Palemene mo Salega le Failautusi o Tupe ina ia faamavae-talu ai o le faagasologa o lona taimi- na ‘a’e ai i luga le aitalafu a le atunuu i fafo i se piliona. 

 “O lea latou ta’ita’isese le atunuu, o lea latou te lalafi i tua o le G.D.P. poo le Aofai Atoa o Ologa Gaosia i totonu o le atunuu i se vaitaimi,” o le faaaliga lea a Afualo 

“E toe totogi au faaunegatupe i au tupe maua, ae le o le G.D.P.e pei ona latou fai mai ai. Na sau le Failautusi o Tupe ma se tala o le tupe e $500 miliona, ae leai se tupe sa i ai ona latou faaaoga lea o tupe foa’i mai fafo e totogi ai ae sa le tatau ona latou faia lea tulaga.” 

Ina ua fesiligia mo sona manatu faaaliga, sa le talia e Lavea. Ae peitai, fai mai le Ofisa Sili o Pulega ua liliu e Afualo lea mataupu e avea ma unaiga malosi tau polokiki. I le taimi nei, sa faaalia e Afualo e ui lava ina o se faiga masani lenei e fai e isi atunuu-o le faaaogaina lea o faaunegatupe i fafo e totogi ai isi aitalafu, ae le o se mea sa’o lea e tatau ona fai. Na ia toe ta’ua e faapea o ia malo o loo feagai nei ma faafitauli tau tupe ma ua faaaoga ai aseta e totogi ai. 

“Tatou te alolofa i lo tatou atunuu ma tatou te le mana’omia a tatou aseta ma eleele e taunuu i se tulaga faapena. Afai o le ituaiga lenei o mafaufauga o loo latou faaaogaina e tusa ai ma tatou tupe, o lona uiga- e le o toe saogalemu lo tatou atunuu. …O ia lea (Lavea) ua tatau ona faamavae-talu ai o lalo o lana vaavaaiga ua ‘ausia ai e le tatou aitalafu le maualuga e Piliona.” I le taimi nei, o le maualuga o le G.D.P  poo le Aofai atoa o Oloa Gaosia i totonu o le Atunuu mo se vaitaimu- e $1.9.piliona tala, o le totogi fuafuaina mo le aitalafu a Samoa e  4.4%

O le finauga a Lavea e faaapea o le uiga o lenei mea-o tala ta’itasi uma o le G.D.P. e na o le 4sene e faaaoga e totogi ai le aitalafu i le taimi nei.  Fai mai a ia e matua maulalo tele ma ua faaalia ai e faapea o Samoa o loo i se tulaga malosi e toe totogi ai lana aitalafu 

Ae peitai- e le talia e Afualo.Fai mai le alii tomai i mataupu tau tamaoaiga o le metotia sa’o-o loo faaaoga e faletupe e ala lea i le totogi fuafuaina o le aitalafu e tusa ai ma tupe maua  

 “E te le faaaogaina au aseta-lea e tusa ai ma lenei mataupu-o le G.D.P, o le faaaliga lea a Afualo.  “Afai la o le faiga lea o loo latou faa-tauasoina ai le atunuu, ua tatau loa ona latou faamavae uma.” 

Sa lagolagoina foi e le Taitai o le Itu Agai, o Palusalue Faapo II lea tulaga.  

Fai mai a ia e pau lava le mafuaga e ala ai ona tumau le fua faatatau i le 4sene-talu ai soo se isi lava mea e sili atu i lo lena, e le mafai ona totogi e le malo

© Samoa Observer 2016

Developed by Samoa Observer in Apia