Fa’amoemoe i le timu

Tusia Ioana Tupa'i ,

21 Hits

Loua Paulo, 70 le matua o le soifua mai Nofoali’i.

Loua Paulo, 70 le matua o le soifua mai Nofoali’i.

O mo’omo’oga o lo’o ua i ai lenei vaitau o le maua lea o se Kirisimasi fiafia ma se tausaga fou manuia.

O lea le tulaga na fa’ailoa e Loua Paulo, 70 le matua o le soifua mai Nofoali’i.

E to’afa ona alo.

‘Ia e pei ona fa’ailoa e le toe mamao atu le fa’ailogaina o le aso soifua o le Mesia, ae o si o matou aiga ia e fa’alagolago lava i le ma’umaga.

“E pei o lea le tulaga olo’o mafai ona fafaga ma maua ai tupe mai lea aso i lea aso ma o se itu taua tele lea.

“O le uiga o la’u tala o le tele lava o mea e mafai ona fa’atau atu ia o le tele foi lea o se fesoasoani mo lo matou aiga.

 “O lo’o ua fa’alagolago tele fo’i le aiga mo se paipa ona o lea lava tatali le taimi e fa’ao’o mai ai le vai.

“E pei o aso timu ia o aso fiafia ia aua e mautinoa e maua ai le suavai maua aua si o matou aiga.

“O le uiga o la’u tala e le se itu fo’i lea e tatau ona tu’u umia aua ua o tatou iloa ma silafia le aoga o le suavai o lo’o ua i ai le taimi lenei mo le tele o nai o tatou tagata.

“E pei o lea le tulaga o lo’o ua feagai ma si o matou aiga, ma e ui lava i lea ia tatou tau fai tatalo ia maua fa’atasi e Samoa se Kirisimasi fiafia ma se Tausaga Fou manuia.

O lona naunautaiga ‘o se Kirisimasi ma se Tausaga manuia’

“Ia masalo o lenei ua i le tatou lenei vaitau o aso fiafia ma e leai lava se isi e le mana’oi ina ia maua se aso fiafia ma le manuia.

 “Ia o vaitau o faigameaalofa aemaise lava o tapenaga mo le aso fa’apitoa o le Kirisimasi.

“O si o matou aiga ia o se tulaga faigata tele o lo’o ua i ai le taimi lenei ma e fa’amoemoe mea uma i le tau ole soifuaga o  lo’o ua o tatou i ai nei.

© Samoa Observer 2016

Developed by Samoa Observer in Apia