Amataga fou o le Taula

181 Hits

<p>FA’ALAUILOA : Le Taula fou, ua toe fa’aleleia atili mai le tulaga sa fiafia muamua iai le atunu’u.</p>
<div><strong><br /></strong></div>

FA’ALAUILOA : Le Taula fou, ua toe fa’aleleia atili mai le tulaga sa fiafia muamua iai le atunu’u.


Ripotia e Deidre Fanene

Fa’aliliu e Maiava

 Tele ni suiga o le a iai le Kamupani a le Samoa Beverage.

O le a suia le igoa o le kamupani, ma o le a tatala aloa’ia fo’i se pia fou,  a’o alo atu le ‘aufaigaluega e fa’amanatu le tolu lenei o tausaga talu ona fa’atuina le kamupani i Samoa nei. 

“O le a suia lo matou igoa i le Kamupani o le Taula Beverage Company,” o le saunoaga lea a le Ali’i Pule o Enele Westerlund. 

 “Tele mea lelei ua maua talu mai lava ona amata, ma sa taumafai lava e fa’aleleia atoa.

“Mo le tausaga lona tolu lenei o le matou aso fanau, ua manatu ai, ‘aisea e le amata ai se suiga o a matou fa’ailoilo, fa’apea se pia fo’u ma se igoa fou?”

Na fiafia lava le ali’i pule e fa’ailoa mai a latou oloa fou.

“O le aso, ua amata aloa’ia ai se pia fou. Ua iai se pepa-fa’alauiloa fou ma se faiga fou ua tele tausaga o matou taumafai e fa’alelei atili,” o lana fa’aaliga lea. 

“Ua matou filifili le Aso Faraile e fa’alauiloaina ai, i le F’aaaliga a le Matagaluega o Fa’ato’aga i Savai’i nei, aua ua tele le sao o Salafai mo le matou kamupani ma o lo’o lagolago malosi pea mo le kamupani i le taimi atoa lenei. 

“O le aso la, e fa’ailoa ai le agaga fa’afetai ma aloa’ia ai fo’i le sao o Salafai mo matou, ua manatu ai, ia fa’amuamua ia le motu nei, ona fa’ailoa atu ia a matou oloa fou nei o lo’o matou tapenaina.”

Na fesiligia ini lu’itau i le tapenaina o le pia fou, ae na fa’ailoa mai e le Ali’i Pule, le mana’oga mai atunu’u i fafo.

“E matua tele le mana’o mai fafo ma o le mea moni, e le o lava lo matou malosi e fa’afetaui ai le mana’o ma sa taumafai lava ia fa’amalieina uma tagata ma maketi o lo’o manana’o mai.

“Sa fuafua lelei lava po’o afea o le a mafai ai ma gafatia ona fo’ia o lea fa’afitauli ae maise o le tapenaina o pepa-fa’ailoilo,” o lana fa’aaliga lea. 

Ua iai suiga o oloa ua iai nei.

“O le Taula la’ititi lea ua avea o le Taula sa iai muamua e 4.9 pasene ma le Taula lapo’a, lea ua avea ma Taula Malosi ua 7 pasene le malosi.

“O a matou oloa e ave i fafo i Niu Sila, Ausetalia, Amerika ma Siamani.

“Lea o le a amata ona fa’asafua atu i tua pe a mae’a atu i Savai’i nei.”  

© Samoa Observer 2016

Developed by Samoa Observer in Apia