E iai fa’afitauli
O le faigata ona maua le suavai maua o se tulaga faigata o lo’o ua fai ma fa’afitauli i le aiga i oTa’i Ga’i o Leusoali’i.
Na ia fa’ailoa le tele o fa’afitauli e ‘a’afia ai ona o le le maua o le suavai mo le aiga.
“Ua o tatou iloa uma lava le aoga o le suavai i o tatou ola ma o se itu e ao lava ona silasila lelei i ai,” Tai i le Fofoga o Samoa.
“O le uiga o la’u tala a leai se suavai maua lelei ia e tele lava fa’afitauli e feagai ma aiga, aemaise lava i aso uma ma taimi uma.
“O le eletise a pe ia e pe tau le afaina lea ae a leai se suavai ia o se itu faigata tele lea i lo’u ia iloa i ai.
Na ia ta’ua o lo’o ua mana’omia lava le taimi lenei se tanevai mo le aiga.
“Ia e pei o lea lava le tulaga o lo’o ua i ai le taimi lenei, ma e talitonu fo’i lo’u agaga e le na’o i matou e feagai ma lea tulaga.
“O se itu leaga tele lea i lo’u iloa i ai.
Na ia fa’ailoa o le isi fa’afitauli i le taimi lenei o le leai lea o se pasi e o’o atu i le vaega o lo’o i ai ma le aiga.
“Ia e pei ona silafia ai , ia o le tele o fanau i lenei vaega o le nu’u ia e tele lava na la’a i aoga, aemaise o tagata faigaluega.
“O le faigata ai o auala o femalagaiga i a’i matou, o lo’u iloa ua faigata lava ma e tatau ona fa’atino o vaega uma aua le lelei alu i luma o tagata uma.
“Ia talosia lava ae vave mai se taimi e tele ai ni pasi i uta nei.
O le isi fa’afitauli ia e to’atasi le faigaluega mo le aiga.
“Ia e pei o lea lavale itu faigata , o le lava o le fa’asoa i taimi uma, o se itu e ao lava ona silasila lelei le tele o nai o tatou tagata aemaise o le aga’i atu ai i le lumana’i.