E i le tagata le filifiligā
O Fipi Lafoia o se tinā maopaōlo i le afio’aga o Tuanai.
I le āfea ai o le tinā iā Fipe i le pōlokalāme o le Fofoga o Samoa i le aso ananāfi na māua ai ō se tinā e naunau mo le lumanai o lona āiga.
O Fipe e to’afā ona alo, e to’atasi o lo’o i Samoa nei, ma le to’atolu o lo’o aumau i Ausetalia.
“E ui lava o lo’o maua mai le fesoāsoāni mai si ‘au fānau mai fafo, e le tu’ua ai lo’u fiā fesoāsoāni i le tausiāina o lou āiga.”
O le galuega masani lava a Fipe o le ala usu lea e fa’atau fuāla’auaina i ona lumāfale auā o lana molimau e tupe vave.
“E alā ona faigatā le soifuāga o le tagata lava ia i le lē galue.”
“O lo’o tele lava mea e mafai ona maua ai tupe e fa’asoāsoā mo le āiga, pe’a fa’aaogā tatau.
“O la’u fānau o le matāfaiōi lava lea o le usu i le ma’umaga, ia a maua mai ni koko o la’u gāluega lea e fai auā e maua ai le tupe, i le taimi nei o lo’o tele le koko e $6 i le koko malū ae a sioki fo’i le koko ua $10.
“O le tupe maua lava ia pe’a lelei le aso e $100 ae a lima āso o le vaiaso ua $500 e lava tēlē le fa’asoa mo le matou āiga.
“Ae o tupe mai la’u fānau i fafo, e fa’aaogā lea mo mātou mea fa’alelotu, mea fa’alenu’u ma isi lava saogātupe e tala’i mai i le mātou āiga.
Na saunoa fo’i le tinā iā Fipe i nisi o tūlaga e ao i le malō ona fa’aleleiā.
“O le fa’amuāmuāga lava ia, i’a tele ni atina’e auā alo ma fānau o le tātou atunu’u o lo’o fia mauā ni gāluega.
“Aua o le to’atele lava o lo’o fa’atupu fa’alavelave solo i le alatele, o tupulaga e le’o mafai ona mauā ni gāluega.
I le talitonuga i le tina iā Fipe o lo’o lelei lava atina’e o lo’o fa’amuāmuā e le tatou malō aepeita’i e iai lava mea e aō ona fa’amuāmuā.
“Ua tele lava atina’e lelei ua mafai e le malō ona fa’avaeinā aepeita’i o le fa’amuāmuā lava e āo ona ‘ave i ō tātou tagata.
“Ou te fa’afetai lava a’u i le alofa ma le agalelei o le ali’i ona o lana pule fa’asoa i aso taitasi.