O le tinā iā Auātama, ua 44 tausaga o lona soifua mai le afio’aga o Toamua. 

Ua siliā ma le sefulu tausāga talu onā nofo i Toāmua ma lona to’alua ma le la tama e toatasi o lo’o āoga.

I le fa’atalatanoā ma le Fofoga o Samoa i le aso ānanafi, nā iā tā’ua ai le tāugāta o le soifuāga o lo’o iāi nei.

O le si’itia ai o le tāu o le soifūāga o se tulāga ua tele ina afāina ai le to’atele o le tatou atunu’u.

E ui inā leāi sē tāsi o le lātou aiga o fāigāluega ae o le galuega masani lava lea a le tina ia Auātama o le fa’atauina lea o niu ma figōta o le sāmi auā le tausiainā o le latou āiga.

“A 50 niu i le āso e $100 le tino i tupe e māua mai ai, ‘ae a lima āso o le vaiaso ua $500 e lava le fa’asoa.” 

“O sēleni e māua mai e fa’asoasoa lea i meā fa’alelotu ma le ā’oga a le fānau.” 

“E iāi fo’i āso e fa’alētonu ai, pe’a leāi ni tagata fa’atau. 

E lē gata i tupe mauā mai le fa’atauina o niu ma figōta o le sāmi, o lo’o iai fo’i āiga o le tina ia Auātama o lo’o fesoāsoāni mai atunu’u mamao aua le tausiaina o le aiga.

Tāua foi e Auātama, o sē tasi o tulāga e ao i le malō onā tagata’gai iai, ni polokalame auā le ātina’eina o tupulāga talavou o le tatou atunu’u.

“E moni lava o lo’o iai nai polokalame laiti a le malo lea e fesoasoani ai i tagata lima vaivai ae le’o lava lea mo le atina’eina o aiga ma nu’u.” 

“Aua e pei lava o le polokalame o le S.P.B.D lea o lo’o fesoasoani i tagata fai pisinisi laiti i le taimi nei ae o lo’o ua iai foi nisi o faletupe ua faasoa mai le latou fesoasoani ma o le itu taua lea ia matou. 

E ui lava ina tele mea fai i totonu o ekalesia ma nu’u ae o loo agalelei pea le ali’i i le olaga ma soifuaga o loo iai nei.