Mana’omia se suāvai

By Vatapuia Maiava 20 September 2016, 12:00AM

O le leai o se suāvai – ua avea lea ma fa’afitauli tele o lo’o feagai nei ma le tamā i a Sasa’e Foliga ma le aiga i le afio’aga o Leulumoega-Uta.

O le 61 ai o le matua o lona soifua i le tausaga lenei e le’o avea lea ma fa’afitauli i le taimi lenei ae o lo’o galue pea o se fai fa’ato’aga mo le tausiga o lona aiga. 

O le feagai ai ma le tausiga o le aiga e pei o le le leai lava o se suavai le fa’afitauli o lo’o ia taumafai ai i le taimi lenei ina ia vave saili ma maua i ai se tali.

“O le mea moni lava e le mafai ona ola mea tōtō pe ā leai se suāvai, ma o se tulaga le lelei tele lea mo a’u ma le aiga.

 “E le mafai ona fai ni galuega pe ā leai se suāvai, ma o le mamao ia i tai o vaega o le afio’aga nei o lo’o taumafai e la’u mai ai le vai.

 “O le tele o taimi ua savali mai ai i tai se’ia pa’ia uta nei i le la’uina mai o le suāvai, ua laki o lo’o maua le fesoasoani mai se tasi o aiga e fa’aaoga ai la latou ta’avale mo le la’uina mai o vai nei.

 “Ona e fai o le tau maomao i uta nei ae o le mamao mai fo’i ma aiga o lo’o la’uina mai ai le vai, ia i a a’u lava ia e leai se aoga e fai ai le fa’ato’aga pe afai e alualu ai pea le leai o se suāvai.

 “E le’i leva ona omai i uta nei le aiga, ona o le tele o le fanau e mafai ona fa’aaogaina mo fa’atoaga.

 “Ona o le leai o se galuega e pei o lea le mafua’aga ua mafaufau ai lava e o’o mai i uta nei ma galueaina fanua nei o le aiga.

 “Ia o le agaga maualuga ia amana’ia mai e le malo le tagitagi atu mo se suavai maua.

Na ia fa’ailoa fo’i le taugata tele o le tau o le soifuaga o lo’o ua feagai nei ma le atunu’u.

“Ia o le mea lea e i ai e usupo lava e le’i ta’ita’i i le ma’umaga ona o le manatu alofa i fanau ma aiga.

By Vatapuia Maiava 20 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>