Ia avea ma fa’ata’ita’iga lelei

Tusia Aruna Lolani ,

88 Hits

TAMA FAIFA'ATO'AGA MA FAIFAIVA: Fa’aea Faleupolu mai Fasito’o uta.

TAMA FAIFA'ATO'AGA MA FAIFAIVA: Fa’aea Faleupolu mai Fasito’o uta.

Na maua le faa’talatalanoaga a le Fofoga o Samoa ma se tasi o tama ia Fa’aea Faleupolu mai Fasito’o uta i le aso ananafi.

Sa ta’ua e ia le taua o le ola galue i lenei vaitaimi.

Na maua atu lenei tama, fa’ato’a fo’i atu o ia mai le fa’ato’aga.

“O a’u ia e sili a le olaga iinei, aua o totonu o nu’u lea e tele ai le galuega e fai, aua a e alu i Apia, ia na o le tafafao a o tagata lae fai,” o lona finagalo lea.

“O tua i nuu, le a e atina’e a e le tagata ia lona ia aiga ma galue le ma’umaga aemaise foi le lauele’ele."

“Aua o a’u ou te faigaluega i le fa’atoaga i le ao ae ou te fagota i le po.  E iai foi la lesi o’u uso o lo’o faigaluega nei ma o ia la le alagatupe tele o le matou aiga."

“O le olaga a lea, o le alu i uta aua le faiga o le maumaga ia toe sau i tai nei, aua le faiga o le faiva o le po. Sa taua foi e Faaea o ia e fai lana fanau ma o isi o loo nonofo ma le latou tina i Savaii ao isi lea e iinei ia te ia."

“E to’afa la’u fanau ma o isi la e i Savaii faatasi ma le tina o le aiga."

“O le olaga lea ua ou faalagolago ai, ia o le sami a ma le maumaga, leai se mea e fa'afaigata ai. E faatau a la nei mea i totonu o le nuu."

“O se olaga tonu a lea e tatau e le au tupulaga ona taumafai e faataua ma fai lelei aua o Samoa lenei vaitaimi ua taugata le soifuaga.”

 

© Samoa Observer 2016

Developed by Samoa Observer in Apia