Galue lava oe mo lou lumana’i lelei

Tusia Aruna Lolani ,

117 Hits

GALUE E FESOASOANI I LE AIGA: Tino Pa’a mai Faleasiu tai.

GALUE E FESOASOANI I LE AIGA: Tino Pa’a mai Faleasiu tai.

O a lava ni faigata i lenei olaga, ia e talitonu ina lava e oe lou oe malosi aga i mea e te faia aua sou lumanai lelei.

O Tino Pa’a mai Faleasi’u uta ua amata ona ia galue mo lona ia lumanai lelei.

Ua 21 nei le matua o lona soifua ma sa maua lana fa’atalatalanoaga ma le Fofoga o Samoa ina ua fa’atoa fo'i atu o ia i le aumai ina o pou o lona fale Samoa.

“E to’atele a tagata o le matou aiga lea ua iai; lea sa ou sau a au ia e avatu ni pou o lou fale Samoa,” o lana tala mai lea.

O Tino o ia sa faigaluega fa’akamuta muamua ae ina ua malaga atu lana pule i atunuu i fafo, lea la ua malolo mai foi o ia mai i galuega kamuta.

“O le galuega lea sa matou faia, o galuega kamuta foi lea e faakonokarate."

“Lea la ua malolo foi, ia lea e leai se galuega i le taimi nei ma o lea la ua faaaoga lenei taimi e fai ai sina galuega aoga.

“O lea foi ou te fai maumaga e fesoasoani ai i lou aiga, ma fai foi le tele o feau.”

E to’aono le latou fanauga ma o Tino lava le ulumatua.

“E taua lava ia te au le i ai o se galuega aua e mana’omia foi le seleni e tausi ai le aiga ma fesoasoani ai nai ou tei laiti."

“Ou te lelei la i galuega kamuta, galuega faifaatoaga ma so’o se ituaiga galuega."

“O au ia, o le galuega a e maua e talia ma le faafetai."

“Na o lesi ou uso o loo faigaluega i le taimi nei ma e le o se mea faigofie aua o le matou aiga, e ese le toatele.”

© Samoa Observer 2016

Developed by Samoa Observer in Apia