Fesoasoani Saina i Aoga Maulalo

By Ilia L Likou 20 August 2016, 12:00AM

Ua i tamaiti A’oga o le Samoa Primary School le anoano o mafuaga e tatau ai ona faamanatu ananafi ina ua mavae se asisiga a le Amapasa o Saina i Samoa o Wang Xuefeng. Sa i ai le Amapasa i lea nofoaga ina ia tuuina atu se foa’i tau Matematika ma faamatalaga tau Art, mea faigaluega tau taaloga ma  oloa tau aoaoga i le aoga. 

I sana upu na fai i tamaitai a’oga ma faia’oga, fai mai Mr. Xuefeng o lea foa’i o se vaega lea o le latou lagolago faifai pea i le atiina a’e o aoaoga i totonu o Samoa. Na talia ma faafetaia e le Samoa Primary le Ofisa o le Amapasa a Saina mo lo latou agalelei. 

 “E fai ma sui o tagata uma lava o loo iinei, ou te fia faailoa atu lo matou agaga faafetai ma le faafetaia o le People’s Republic of China mo lenei foa’i e fesoasoani i la matou a’oga,” o le faaaliga lea a Sue Su’a.“Faafetai tele lava mo le tausisia o le matagofie o lenei a’oga i le tele o ala ua outou tuuina mai mo i matou ma o loo matou vaai i le lumana’i ina ia faaauau pea lenei faiga-paaga ma outou. E mafai ona outou mautinoa o le a matou faaaogaina ma le tatau lenei meaalofa taua.” Talu lava ona amata le Samoa Primary i le 2004, e le’i faaopoopoina e le aoga le totogi o pili ma tausi pea i latou i lea tulaga e ui ina siitia tau o le faagaoioia. 

Mulimuli ane, sa saili tupe pea le Samoa Primary ina ia mafai ai ona faatino lana polokalame tau aoaoga faapea foi ma galuega faaopoopo tau mataupu mo le lelei o le atiina a’e lautele o tamaiti a’oga.

By Ilia L Likou 20 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>