Manatu O Le Fa’atonu - Taimi o viiga ma lesona faigata

Tusia Mata'afa Keni Lesa ma Faaliliu e Seagaitumua Tupuola ,

91 Hits

Fai mai le latou maua o mea lelei uma lava e i ai se faaiuga. Ia-o lea ua mavae le lua vaiaso o tauiviga uiga ese tau taaloga, o le a vave ona tatou faatofā atu i le Rio Olympics 2016 se’ia aulia le isi fa tausaga.

O le a tu’u i lalo le ‘ie pupuni o se faaaliga tau taaloga aupito i tele a le lalolagi-pe a mae’a ona tau-aao atu le pine mulimuli, e faailo ai le amataga o se pati umi mo tagata ta’a’lo ma alii ofisa i luga o ala o Rio. Ae aisea o le a le faia ai? Aemaise ai lava mo i latou ia o le a toe taliu atu i aiga ma pine. Ua tatou iloa ua toe malolo foi le ‘Au a Samoa. E le faapea na faate’ia se tasi  ona o le a maua se pine ae ese ai mai ia Ioane Nevo lea na tulaga 8 i le sailiga o le fusi, o e na totoe ai na matua faanoanoa lava..

O le alii tamo’e o Jeremy Dodson na ia tuuina atu i luga o lana Facebook se faamatalaga, ina ua na le mafai ona agavaa mo le semi-finalo o le 200 mita, masalo o se otootoga lelei lea. “E matua faigata tele i le faalogo “toe 4 isi tausaga”talu ai-o le mea foi lea na ‘ou faailoa atu i le 4 tausaga talu ai,”o le faaaliga lea a Dodson.  “Ua ‘ou le fiafia ma faanoanoa i lo’u faatinoina o le taaloga-talu ai e sili atu ona ‘ou lelei i lo lea tulaga, ma e tatau i tagata uma ona silasila i ai.” O se mea faatiga lea. Matou te manatunatu pea pe ona mafai ona tatou tilotilo i lea tulaga ae o le fea taimi.

Ia manatua lelei na sui e Dodson lona loto- atunuu ina ia mafai ona tauva i totonu o Taaloga o le Olimepeka. Sa tamo’e muamua o ia mo le ‘au a le Iunaite Setete.  “O se faamanuiaga lea, ma o se avega mamafa le tamo’e mo se atunuu itiiti ona-i se tasi itu, e alofagia oe e se vaega toatele o tagata,” o lana faaaliga lea. I le isi itu, ua i luga o ou tau’au le atunuu atoa ona ua avea oe ma amapasa o se malo-i le lalolagi. Ou te tamo’e mo ni mea e sili atu i lo a’u lava. “ “E mana’omia e tagata uma le mea e sili ona lelei mai ia te a’u, ma o lena mea ua le mafai ona ‘ou tuuina. Ou te le o talosagaina lo outou faapalepale mai, vagana ai le tuuina atu o se faamatala o nisi mea o le a tulai mai. “Ua ‘ou aoaoina la’u sesona ma ua ‘ou sauni e faagasolo i luma. Ua ‘ou fiu i lenei mea faatiga. Ou te tuua’ia lava a’u i enei mea. O loo o’u nofo aitalafu ia te outou i se faaaliga.”

Ia, ua le mafai ona matou faatali. O le mea moni e faapea ua matou fiu i nei upu uma e ‘alo i ai. Ma a toe tilotilo i tua i le tala faasolopito o a tatou ‘au mo le Olimepeka, ua anoano ma le masino upu e ‘alo i ai. Masalo o le faamoemoe ia tuu ai pea lo matou valelea, e sili ona lelei pe a ‘aua ne’i mamafa ia i tatou ia upu e ‘alo i ai. 

O le pogai lea e taua ona faapea tatou te fiafia i tagata taalo ma malo ia o loo fiafia ma taavalevale i totonu o le tulaga mamalu o latou manumalo. Mo le asŏ, e sefulu o afe ma afe tagata o le a auai i ia malae i Rio e toe tepa tasi ia latou tagata taalo uiga ese. I isi nofoaga-e aofia ai ma Samoa-e piliona ma piliona o le a matua faafesaga’i ma latou televise e mata’itua taimi faai’u o se mea sa avea ma sauniga uiga ese e o’o mai i le aimi nei.

O le faasalalauina e televise o taaloga i se tulaga lautele o loo mafai ona maua, o lea ua faigata ai ona sola ese mai le five o le Olimepeka. I se faaupuga lautele, ua faaleagaina i tatou ona o lo tatou filifilia o se gaoioiga tau taaloga e le lelei. Talu mai le aso muamua, e le’i ‘asa se aso ma se taimi faate’i lea o loo tumau pea i o tatou mafaufau e uiga i le tulaga uiga ese o nisi o tagata ta’a’lo na tatou vaaia. 

Ae masalo  e leai se aso sa sili ona manino mai-i lo taimi amata o lenei vaiaso lea na oso ai le alii aupito i saosoa i le lalolagi o Usain Bolt i totonu o tusi o le tala faasolopito faatasi ai ma lana pine auro lona tolu o le 100 mita. A’o tapena lenei tusitusiga ananafi, sa maua e Bolt le avanoa e toe faaopoopo ai le isi matati’a, o se auro lea i le 200 mita ma le moliga-fu’a o le 4x 100m.

 “Fai mai se tasi tagata e mafai ona avea a’u ma tagata e le oti,” o le faaaliga lea a Bolt ina ua mavae le tuuga. “Toe lua isi pine auro e fia maua ona ‘ou saini lea ma alu ese. E le o se mea lea tau tagata ola.” E uiga ese lea alii. Ia manatua, o le alii taalo lava lenei sa laualuga i ulutala i le faagasologa o le Olimepeka talu ai i Lonetona. O lona ave uma o pine auro o ana taaloga, ua fai ai e Bold se faaupuga lototele. 

 “O le mea lea na ‘ou sau  iinei e fai,” o lana faaaliga lea i lena taimi. “Ua avea a’u i le taimi nei ma talatuu. O a’u foi o se tagata taalo ta’uta’ua o loo ola. E leai se mea o totoe ia te a’u-e ao ina faamaonia. Ua uma ona ‘ou faailoa atu i le lalolagi-o ai le tagata e sili ona lelei.” O le mea moni-o Bolt le tagata uiga ese i Lonetona i le 2012.  Ma o le a savali ese o ia mai le Rio 2016 e peiseai o se tagata e le oti. E uiga ese lea tauiviga. E mafai e se tasi ona faato’ilalo mea na ‘ausia e Bolt pe o le a alu lava ma ia i totonu o le tala faasolopito e avea ma tagata taalo o tuuga e sili ona uiga ese. E na o le taimi e mafai ona ia ta’u maia. 

O le mea e sili ona lelei mo i tatou e faapea e le tau avea oe ma tagata Jamaica lua te fiafia ai ma Bolt-pe o soo se tasi o tagata taalo ma ‘au ia na manumalo i pine auro i Rio. O le tulaga uiga ese e uiga i le faasalalauina o nei taaloga ma ua maua e le toatele o tagata  e faapea o tagata talavou o loo avanoa i ia taaloga. E leai se tulaga masalomia e faapea o loo una’ia i latou e ala i le matamata i le tulaga faamanuiaina o isi. 

O le vaega mulimuli, e ui lava i le faatiga o le le manumalo i se pine auro, ae tatau ona faailoa atu e faapea tatou te mitamita i le tatou Team Samoa. Ioe, na manumalo Fiti i se pine auro. Na ave e Toga mafaufauga o nusipepa ae tuu i latou e matua susulu mai. O le a o’o mai lo tatou taimi. Ae talosia ia o’o mai i lenei vaitau o le soifuaga. 

Ina ua mae’a Taaloga a le Olimepeka i Lonetona i le 2012, o upu nei a le Peresetene o le Faalapotopotoga o Taaloga a Samoa ma le Komiti o National Olympic (S.A.S.N.O.C. Faafofoga mai foi ia te ia: “E tatau ona tatou aoaoina mea e tatau ona tatou faia ma e tatau ona toe foi i tua ma tilotilo ia tatou faiga tau tapenaga. “Ou te masalo o le isi faaletonu ua tatou taofi a tatou tagata taaalo iinei ma ou te manatu o nisi o le aiaina e mataupu masani tau le aiga ma le aia a le aiga, o le pogai lea e tatau ai ona tatou tilotilo lelei i ai; e mafai faapefea ona tatou tapena a tatou tagata taaalo a’o lumana’i ai se tauvaga tele.”  

O le tulaga lena sa i ai i lena taimi. E taau la ona tatou ta’ua lea lava mea se’ia aulia le isi fa tausaga? Ia ‘aua nei taofia lau manava!

Mo le taimi nei, ia outou maua Samoa se faaiuga matagofie o le vaiaso, ma ia faamanuia atu le Atua! 

© Samoa Observer 2016

Developed by Samoa Observer in Apia