O LA’U TALA FO’I

84 Hits

1,Matauina i Tala Fou se ulutala fai mai-“Ua faamalŏlŏ e le Kapeneta ni Ofisa Tulaga Maualuga o le Malo”-ma o lea la ulutala e faasino i le Faatonu o le Ofisa o Moliaga a le Malo-o Mauga Precious Chang ma le Komesina o Leoleo-le Afioga a Fuiavailili Egon Keil…! O lea la ulutala fai mai o le pogai o le faamalolo lē tumau ai le Komesina o Leoleo-e talitali ai se taunuuga o moliaga na faaulu e faasaga ia te ia i le Faamasinoga. 

E ui lava la ina faamalolo le tumau-ae maua lava lona totogi i totonu o le tolu masina-a’o faagasolo taualumaga masani a le Faamasinoga-ina ia mautinoa ai se toe iloiloga tonu ma le sa’o o lea mataupu. O tiute fai la o le Komesina o le a faatino faataamilo i masina uma-e Komesina Lagolago o Afamasaga Michael Soonalolle. 

Fauono Talalelei Tapu ma Samoa Mulinuu Mulinuu, ae amata ia Afamasaga. Ia o le tala umi lenei tala-ae afai ua afua mai luga i faauluuluga o matagaluega ma faalapotopotoga-o lona uiga la-atonu ua tatau ma onomea ona matua saili le pogai ua tulai mai ai nei faafitauli-ae sa leai ni mea faapenei i aso ua mavae! O le a sou taofi?

2.Maua foi i Tala Fou se ulutala fai mai –“Na maua se tama’itai i le sami ua maliu”-ma o lea tino maliu na maua e ni alii fagogota se to’alima o Utualii. O le matua o lea tamaitai o loo masalomia pe o le 16 i le 18 tausaga -ae le o mautinoa i le taimi nei poo ai lea tamaita’i.Na faaalia e Sam Taufao mai Utualii-e 25 tausaga lona matua i le Samoa Observer-na maua lea tamaitai- ua maliu.

O latou sa fagogota ae latou vaaia ai se mea o opeope i le sami. Ina ua latalata atu-na iloa ai o le tino o se teine talavou ua leva ona maliu…..O lea la tino maliu o loo i se fale maliu i le taimi nei ma o loo fai i ai suesuega a Leoleo….Ia-o se tala faamomoi loto lenei-aemaise ai lava ona o se tama teine. 

E ui lava ina e le o mautinoa le pogai o lea faalavelave i le taimi nei-ae talitonu le mafaufau e leai se mea o lilo i le Atua! Ae momoli atu ai se faala’ei’au i le aiga faanoanoa ona o nei faalavelave faatiga! Afai la o le a le maua le pogai o lenei faalavelave-O le a la sou taofi? 

3.Matauina pea le loto alofa o Saina ia Samoa i soo se mea-ma o lea foi ua faasolo mai lea alofa ma le agalelei i tamaitai a’oga o A’oga Maulalo. 

O le matau la i ia meaalofa-o soo se mea lava e fetaui lelei ma tamaiti a’oga o A’oga Maulalo. O le vaai la faale-mafaufau i nei foa’i uma-afai e faaaoga ma le tatau e faia’oga o ia a’oga ua faamanuiaina ai –o le a matua lava le aoaoina o nei fanau a le atunuu-ma e le taumate ona latou matua tulai mai foi e saga faalelei ma faatulaga sa’o Samoa atoa i le lumana’i! O le a sou taofi?

© Samoa Observer 2016

Developed by Samoa Observer in Apia