O le sami lava o lo’o fa’alagoalgo ai le tausiga

Tusia Aruna Lolani ma Fetalai Tuilulu’u ,

70 Hits

E tasi lava le tau i’a na maua lea foi la e fa’asavali atu e $25 aua lava le fanau le aoga.

E tasi lava le tau i’a na maua lea foi la e fa’asavali atu e $25 aua lava le fanau le aoga. (Photo: Misiona Simo)

Na fa’ailoa e le tamā i a Teni Laumoli i le Fofoga o Samoa o lona aiga o lo’o fa’alagolago lona tausiaina i le sami.

“Ia o i’a lava mai le sami ma nisi o faisua o lo’o tele ina ou fa’atauina i le tele o aso  aua se tupe  mo le fanau.

“E pei o le tamā lava  o le aiga  o lo’o fa’alagolago ai vaega uma i le tausiga o le aiga ma le alu e fagota.

“Ia pe ta loa le sefulu lua i le po e pe ai le tai e pei o le taimi lea e maua mai ai faisua ma le ali’ao...ia ua ou alu e lama ia ma o’o i le taimi o le  afiafi ona toe lama foi lea. 

“O lo’u iloa i ai e  faigata  le fagota pe ā fua i taimi e usu ai, ia o a’u foi nei ua faigota lava i aso uma a maua lava le tau i’a aua sina seleni le aso ua lava ma totoe. 

“Ia e pei foi ona tau mai lenei aso ia toa a’e mai foi le faiva. 

E tasi lava le tau i’a na maua lea foi la e fa’asavali atu e $25 aua lava le fanau le aoga. 

Teni Laumoli, 54 tausaga, o Levi Saleimoa ma Magiagi.
Teni Laumoli, 54 tausaga, o Levi Saleimoa ma Magiagi.

“Aua o si o matou aiga, ua na’o ma’ua ma le fanau e to’atolu ae leai se isi e faigaluega

“Ae o le finau lava, e fesoasoani mai fo’i le Atua pe ā fesoasoani muamua lava tatou i a’i tatou.

 “Ia ua leva ona ou faia lenei galuega, ma o lea lava le tulaga o lo’o tausi ai le aiga aemaise le fanau.

“O le maumaga foi o lo’o iai e le’o se maumaga e ona fa’atau le maketi o nai fa’i lava o lo’o iai aua meaai. 

“Ia o le soifuaga o lo’o i ai le taimi nei ia o le aso ua alu i luga le tau o oloa, o le aso ua toe alu i lalo, e le faigofie le tau sailiga o tupe maua i a te a’u lava ia.

“Aua e pei ona ou ta’ua e to’atolu le fanau, ma o se vaega o lo’o  ave ai le fa’amuamua ma e pei o le sami lava o lo’o ola ai le aiga

© Samoa Observer 2016

Developed by Samoa Observer in Apia