O pulega ma fa’ato’aga e fausia se nu’u

By Aruna Lolani 20 June 2017, 12:00AM

Pua’imalae Misikei Faaleo, o se matai mai Le’auva’a e fa’atauaina; le lelei o pulega a nu’u ma le olaga faifa’ato’aga.

O le fa’atalatalanoaga a le Fofoga o Samoa sa ta’ua ai e Misikei le lelei o latou pulega ma latou faifa’ato’aga.

“O a’u o se matai o lenei nu’u ma e fai fo’i lo’u ma’umaga,” sa ia fa’apea mai.

“E taua lava le faifa’ato’aga i le olaga o le tagata Samoa aua o se mea sa amata mai ai.

 “Ua le toe taugofie le tau o le soifuaga ma o se popolega lava lea itu mo le lumana’i.

“E mana’omia a le puipui ma atia’e o tatou ma’umaga aua se lelei mo le lumana’i po’o a ni mea e tutupu mai.”

Sa ta’ua e ia o le ma’umaga lava e maua mai ai mea’ai e aoga mo le soifua maloloina.

“O lenei vaitaimi o le ma’umaga a e fa’alagolago ai mo mea’ai aua ua tele tele mea’ai i lenei vaitaimi ma e le iloa lava mea e tutupu.

E fa’ataua fo’i e Pua’imalae lona tiute fa’amatai aua e le’o na o se upu.

E taua lava le malamalama i pulega a le nu’u ina ia e iloa itu ma auala e puipui ai ou tagata.

“E aoga pulega lelei aua a le lelei, e fa’apalapala fo’i tagata.

“O lenei vaitaimi ua to’atele tagata ua le toe amio pulea aua fo’i ua leaga pulega ma le lelei le fa’atinoina o tiute.

“To’atele fo’i le au feoa’i vale solo ma e uma ifo tutupu mai misa ma fa’alavelave.

“O le mafua’aga fo’i lena e fai ai a mato sa aua le puipuiga o nei tagata, e alu atu a la ii a matou sa, e tau i le auala lea e i o Aleisa.

E fa’amaoni lava Pua’imalae i ona tiute aua o se olaga na ola mai ai i le nu’u ma e fa’amuamua e ia le saogalemu o tagata o le nu’u.”

By Aruna Lolani 20 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>