Mana’omia e le Fono a Ekalesia Soofaatasi se tapu mo le lotu Isalama

395 Hits

Ua aloa’ia e le Fono a Ekalesia Soofaatasi  (N.C.C.)  le mana’o o le Palemia o Tuilaepa Sailele Malielegaoi ina ia toe iloilo aiaiga o le sa’olotoga tau tapuaiga o le Faavae, o le itu lea na lipotia e le Leitio a Niu Sila. 

Na faaalia e Tuilaepa i le vaiaso talu ai e faapea o le tulafono sili a le atunuu e ono mafai ona suia ina ia aloa’ia ai faavae faa-Kerisiano ma a’oa’oga, ae le na o lona faatomuaga..

Ae fai mai le Failautusi Aoao o le Fono a Ekalesia Soofaatasi, o Reverend Ma’auga Motu, o le a na toe faia se isi laasaga ma tapu le lotu Isalama, fai mai e tuuina mai ai se faamata’u i le atunuu. “Matou te le o soona  ō mamao, leai,” o le faaupuga lea na ta’ua e faapea na saunoa ai Reverend Motu.

 “O loo matou mana’omia pea o tatou lava tagata ina ia taofia mai lenei ituaiga o mea e a’afia ai, tusa lava pe anoano tagata lelei-ae peitai-o loo i ai lava isi tagata mata’utia o loo filo ia i latou –ia e ono o mai ma faamata’u lo tatou to’afilemu.”

O le Faavae o loo puipuia ai le aia tatau e faatino ai soo se tpuaiga ae na te le faasaina le faavaeina o se lotu aloa’ia a le malo. O loo i ai ni tagata to’aitiiti o le mosalemi i totonu o Samoa ia e faapotpotoga i se fale ma o loo i ai se Samoa Muslim League o loo faavae e latalata i Apia.

O Ananafi, fai mai le Fono a Ekalesia o le Pasefika (P.C.C.) o le talanoa faatasi ma isi lava tapuaiga –o se vaifofo autu lea i le tele o ana potopotoga talu ai nei.  Na finau mai le Failautusi Aoao o le P.C.C., o le mafutaga faa-itulagi a ekalesia Kerisiano, o Reverend Francois Pihaatae-o le faamoemoe  ia talatalanoa. “O le fai muamua o lea avanoa e mafai ai e tagata uma ona auai ma talanoa ma fetufaa’i,” o lana faaaliga lea.

“Ae peitai-o loo ia i latou le aia tatau e fai ai le faaiuga-ae i luma atu o lena tulaga-e tatau ona tatou tilotilo muamua –pe o le a le mea o loo ta’u mai e lo tatou faatuatua, i le avea ma tagata Kerisiano-ia i tatou.”

 Fai mai Francois Pihaatae o le nuu e nofo ai o Fiti-e to’atele tagata Mosalemi e to’afilemu ma fai o latou sao i le atunuu. 

© Samoa Observer 2016

Developed by Samoa Observer in Apia