E leai se mativa i Samoa

Tusia Sarafina Sanerivi ,

123 Hits

Fa’apoi Fe’epo Fruen mai le afioaga o Faleula.

Fa’apoi Fe’epo Fruen mai le afioaga o Faleula.

O le maua ai  o le fa’atalatalanoaga a le Fofoga o Samoa ma  Fe’epo Fruen na ia fa’ailoa ai e leai se olaga mativa i Samoa.

E ui ina mau ese’ese le to’atele o le atunu’u i lea tulaga ae o lona ia lagona na’o ia.

“Ia e pei na o le pau le itu lea o lo’o fai ma fa’afitauli i le taimi lenei o le lava lea o avanoa e maua e tagata aua se tupe maua mo le tausia ai o aiga,” o lana tala mai lea.

O Fa’apoi o ia o se faiaoga o le Kolisi o Levaula, ma o le le lava ai o avanoa  faigaluega e pei e pau lea o le tulaga o lo’o ua i ai  nei ma avea ma fa’afitauli.

“O lo’u lea iloa i ai le taimi lenei, e tele ina fa’au’u mai nai fanau aoga ia ona omai lea ua toe fa’atalitali mo le taimi e maua ai galuega.

“O se taimi umi le talia ai oni galuega i lo’u ia iloa i ai.

“O se fa’anoanoaga tele lea i matua aemaise ai le tulaga fo’i lea o le pologa i le fia o tausaga i le tausailia o ni tupe mo aoga a le fanau ae uma ane aoga ae tau su’e ni galuega.

“E pei o le fa’afitauli lea o lo’o i ai le taimi lenei, o le lava o avanoa faigaluega o lo’o ua i ai le taimi lenei ina ia faigaluega ai le to’atele o lo’o tausailia ni galuega.

“Ia o lo’o ua tatou iloa uma lava o lo’o ua to’atele ua fo’i le ma’umaga ma le gataifale, mo le tausia o fanau aemaise o aiga.

“E le’o se itu leaga lea ,ae pei ua pae le mau fai fa’ato’aga o lo’o ua i ai le taimi lenei.

“O le tele o aiga o lo’o ua i ai le taimi lenei, e toeititi leai se aiga e leai ma’umaga, ua matua’i tele le ma’umaga, ia ua amata ona tau leai ni meamata e la’u mo le maketi.

“Aua o lea le tulaga ua i ai ma le tele o aiga.

Na ia fa’ailoa e o’o lava i le au faifa’ato’aga o lo’o ua tau leai ni avanoa e maua ai se fa’asiliga ona ua fau le mau meamata ua i ai nei.

Na ia ta’ua o le tele o Pisinisi Saina o lo’o ua tele ai avanoa faigaluega i le taimi lenei.

“Ia e pei a e alu i le tele o faleaiga a Saina, ia e te maua ai le to’atele o le au Samoa o lo’o ua galulue ai le taimi lenei.

“O le lelei na o pisinisi a Saina aua o lo’o ua maua ai le mau galuega a nai o tatou tagata.

© Samoa Observer 2016

Developed by Samoa Observer in Apia