Teena e le Faamasinoga le Talosaga

156 Hits

Leuluaiali'i Olinda Woodroffe ma le Minisita lagolago o Peseta Vaifou Tevaga.

Leuluaiali'i Olinda Woodroffe ma le Minisita lagolago o Peseta Vaifou Tevaga.

Tusia - Lanuola Tusani Tupufia 

Faaliliu e Segaitumua Tupuoa 

 

O se talosaga ina ia faaleaogaina ni moliaga se lua e faasaga i le Minisita Lagolago o le Matagaluega a le Palemia, o Peseta Vaifou Tevaga, ua faaleaogaina e le Faamasinoga Sili. 

O lea faaiua a le Faamasino Sili, Lana Afioga Patu Tiava’asu’e Falefatu Sapolu, na fai ananafi ina ua mae’a ona iloiloina se talosaga mai le loia a Peseta, o Leuluaiali’i Olinda Woodroffe, ma se tali mai le vaega e faia moliaga. O loo feagai Peseta ma se moliaga e tasi tau le saina faamalosi o pepa ma le isi moliaga o faiga tau faasese e tusa ai ma se pepa e faapea na ia sainia faamalosi.  

O le pepa o loo ta’ua na teena e Martin Jonathan Schwalger. O ia lea o se tagata fai sea o le Local Partners ana Associates Ltd, o se kamupani e i ai foi sea o Peseta. 

I se otootoga, fai mai le Faamasino Sili o Patu o le talosaga a Peseta ua faaleaogaina ma o lea matau o le a aga’i atu i se su’esu’ega auiliili. Na te le’i tuuina mai ni ana mafuaga i totonu o le Faamasinoga ananafu ae na ia ta’utino e faapea o se otootoga tusitusia o le a mafai ona avanoa atu i itu auai pe a mavae se lua o vaiaso. 

O Precious Chang ma Lucy Sio, o le Ofisa o le Loia Sili a le Malo, sa gafa ma moliaga..

O Leulua’iali’i na faia se talosaga ina ia faaleaogaina moliaga ma faapea foi ona ia sailia tau o le faamasinoga.

 E talitonu o ia ua faaaoga sese e Leoleo le taualumaga ina ua latou faia ni moliaga e faasaga i lana paaga. Na faaalia foi e le tamaitai e leai ni faamatalaga molimau o ia i latou e lagolago ai moliaga..”.Mo le faaaoga sese o le taualumaga, na tuua’ia e Leulua’ialii le isi loina ona o le tusi i leoleo “ina ia una’ia ai le moliaga o le itu tete’e e aunoa ma soo se isi lava faamatalaga.” 

Ae peita’i, na lagā e le Faamasino Sili o Patu le mataupu pe o leoleo ia na faaaogaina sese le taualumaga poo le loia lea na tusi i Leoleo. O le tali, fai mai Leulua’ialii o le loia ma leoleo. Na ia ta’ua latou te le’i su’esu’eina le tulaga taua o le saini faalelei.

 “O leoleo ua mafua ai ona o le latou le faia o se isi laasaga e faamaonia pe o le saini na faamalosi pe leai,” o le faaaliga lea a le loia. Na toe ta’ua e le Tamaitai e faapea o loo teena e lana paaga na te lei sainia lea tusi. 

Na lagī foi e le loia ona atugaluga e uig i le gaoioiga o loo i tua o moliaga e faasaga i lana paaga.. 

Fai mai le Tamaitai o lea pepa e afua mai tua i le 2013. Ua faate’ia le Tamaitai ina ua toe aliali mai i le taimi nei, a ua latalata i le lua tausaga talu ai, o le taimi lea o tagata na aafia ai- sa feagai ma se tagi sivili. 

Ua faaaoga Leoleo e avea ma auupega o le tau faamata’u ia Peseta,” o lana faaaliga lea.

Sa finaugaina foi e Leulua’ialii e faapea e le o lava faamatalaga molimau o i Leoleo e fai ai moliaga o lana paaga.. E le gata i lea, fai mai a ia o lana paaga e le’i faatalanoaina e Leoleo..Ae peitai-sa faailoa atu e Ms Chang i le Faamasinoga e faapea sa talosagaina Peseta e Leoleo ina ia latou talanoa ae sa na faatinoina lana aia tatau e tumau ai ona nofo filemu.  Na fesiligia e Lana Afioga Patu le tagi e uiga i le saini faamalosi o pepa e pei ona ta’ua.

 “E mafai faapefea e Leoleo ona faaulu ni moliaga e aunoa ma soo se faamatalaga,” o le fesili lea a le Faamasino Sili. E le mafai ona latou faia se gaoioiga e aunoa ma soo se faamatalaga,” E mafai faapefea e Leoleo ona faaulu ni moliaga e aunoa ma soo se faamatalaga,” o le fesili lea a le Faamasino Sili.. “E le mafai ona latou faia se gaoioiga e aunoa ma se faamatalaga. ….”

Sa faamalamalama e Ms. Chang e faapea o le pepa o loo fesiligia, o le aso 13 o Iuni 2013, o se pepa tau faasese.  

Fai mai le Tamaitai e le’i sainia e Schwalger lea pepa ma e leai se fono na faia e toe sui ai le ‘aufaisea ia Martin 50% na Pese 50%.  “O le saini (o loo i luga o le pepa na saini faamalosi) o Martin ae na te le’i sainia lea pepa,” o le faaaliga lea a Ms. Chang. 

“Mai le faamatalaga a le loia o Maiava Visekota, e le’i auai Martin i se fono, o i latou na auai  o Laauli (Leuatea Polataivao) ma Peseta o ia lea i lea taimi e le o se tagata fai sea o le kamupani. 

 “I totonu o lea pepa o faamatalaga sa na o le to’alua tagata sa talanoaina suiga o tagata faisea na afua mai ai lenei pepa ma sa tuuina atu ia Peseta na te faia le fuafuaga mo le saini a Martin ae lei saini ai Matin.” 

O le isi tulaga, fai mai Ms Chang o le Fofoga Fetalai o le Palemene o Laauli Leuatea Schmidt, sa tuuina atu foi se faamatala i Leoleo lea na ia ta’ua ai e leai se fono na faia mo le komiti a faatonu lea e fai ai le faaiuga. . 

 “O Ia (Laauli) e ala i se faamatalaga na fautuaina ai e tatau ona i ai se fono a’o lei faatinoina ia suiga.  O luga a’e o lena o loo i ai se faamatalaga mai ia Apulu (Lance Polu) fai mai e leai se fono a le komiti o faatonu sa auai Apulu e avea ma tagata fai sea. 

 “O lea faamatalaga e lagolago ai le mataupu a leoleo ma e faasino i le latou suesuega.”

Ua toe tolopo lea mataupu.

© Samoa Observer 2016

Developed by Samoa Observer in Apia