Osofaiga a le ‘Au-gaoi

214 Hits

Vaelua Rudy Roebeck.

Vaelua Rudy Roebeck.

Tusia - Lanuola Tusani Tupufia

Faaliliu e Seagaitumua Tupuola 

 

O se alii fai pisinisi lea na lavea’ina lona Fale Otiulu mai le afi o le Aso Toana’i na matua faanoanoa ina ua na maua na talepe lona faleoloa faatasi ai ma ni oloa e $30,000 le tau-ua gaoia. O Vaelua Tagaloa Rudy Roebeck, le Pule o se Fale Oti-ulu e sili ona lelei –sa tūtū ma le le talitonu ananafi ao taumafai lana aufaigaluega e tapena mea ua faaleagaina o lana pisinisi ua sefulu tausaga talu ona fai. 

O lea faleoloa sa i totonu o le fale tuai o le Ofisa o Faatoaga lea e tu i le va o le Flea Maketi i Savalalo ma le fale o le Faletupe o le Atiina A’e a Samoa. O lea pisinisi sa fili i isi pisinisi i totonu o le fale o le Faleoloa o Faatoaga lea e le’i aafia i le afi.  Ae peitai- e le’i sao le faleoloa o Vaelua i le to’atama’i o ia tagata gaoi.

Ua matua tumu a’u i le le fiafia,” o le faaaliga lea a Vaelua ma lūlū lona ulu.

“Semanua e le afaina a’u pe ana faapea o mea na faaleagaina e mafua mai lea afi, ae o lo latou talepe o lo’u faleoloa ma le vaai atu i tagata gaoi iinei o tafili saunoa i a’u mea ae o lea e taumafai tagata e lavea’i ni mea e mafai ona latou lavea’ina-o se itu lea e matua faanoanoa ai. O se mea faatiga lea ma e faigata ona talitonu i ai.”E tusa ai ma lea alii faipisinisi, e to’alua lana aufaigaluega na toe foi atu i lea nofoaga i le Aso Toanai e vaai pe o aafia lo latou faleoloa.

 “Na sau la’u tagata failuega ma maua ni tamaiti talavou e o’o lava i nisi o alii matutua o pule faasaolo i latou i totonu o le faleoloa,” o le faaaliga lea a Vaelua.  “O le tasi o i latou sa i ai se kilipa oti ulu i lalo o lona ofutino ae o isi na latou ave soo se mea sa latou manaomia ma o lea sa tuliloaina ai i latou ae le maua.”

O totonu o le faleoloa na maua ai e Vaelua se faata ua nuti, fasi pepa ma lapisi na tafea atu i totonu o lona faleoloa mai le suavai sa faaaoga e le ‘au-tinei-mu. Fai mai a ia sa i ai ana kilipa oti ulu o le ituaiga o le Wahl e 15 e aofia ai ma kilipa fou e le’i leva ona ia faatauina mai Ausetalia, ofu taalo o le Toa Samoa, pulou ma togiga a le lakapi litki na te faatauina atu.

O Vaelua o se tagata e lagolago malosi i le Toa Samoa ma na te faatau atu le vaega tele o oloa a le Toa Samoa i lona faleoloa faatasi ai ma tupe na te aoina e faafo’i atu i le liki mo lona atiina a’e. “Na o latou ave faa-ata, kilipa oti ulu, seleulu, lauulu faapipi’i, ofu taalo ma le tinoitupe e $2000 sa teu i totonu o se sefe, vailaau mo lauulu ma pauta. …O la’u fua faatatau i le tau o mea uma na iinei e tusa lea ma le $30,000. “Ua alu mea uma lava.”

O le itu e faanoanoa ai, e pei lava o le tele o faleoloa ma tagata fai fale’aiga i le flea maketi i Savalalo, e leai se inisiua a Vaelua. Fai mai lea alii faipisinisi ua mae’a ona ia faaulu se tagi i Leoleo ma le faamoemoe e saisai mai le tagata gaoi lea na ia talepe i lalo le faitoto’a tioata ae gaoi oloa. Mo le sefulu tausaga, sa fai e Vaelua se fale oti ulu e soso’o ma le maketi.

E ui lava ina ua maua o ia i le faanoanoa ona o oloa ua gaoia, ae ua sili lona faanoanoa ona o pisinisi laiti ia sa tuuina atu o latou ola i totonu o nei faleoloa ma fale’aiga i le maketi.. “O se tulaga lea e faanoanoa ai ona ua toe o ni nai vaiaso ona amata lea o a’oga ma o nei tagata fai fale’aiga sa faalagolago i tupe latou te maua mai le flea maketi,” o le faaaliga lea a Vaelua. 

E le mafai e lo’u mafaufau ona iloa pe o le a so latou lagona ona ua leiloa mea uma sa teu faafaigaluega ai o latou taimi.” 

O fea la le itulagi o le a aga’i atu i ai mai iinei, o loo faamoemoe Vaelua e toe vali ma toe faa-oloa lona fale oti ulu pe a maua lana tupe..  

Ae mo ana tagata faigaluega e to’alima, o le a faaliliu atu i latou i lea isi ana fale oti ulu lea e soso’o ma le Skippy a’o faasaga atu o ia i le  toe faalelei o le fuafuaga mo lona faleoloa. O isi pisinisi laiti e soso’o ma le faleoloa o Vaelua sa laki ona sat a-loka o latou faleoloa ma sa le mafai ona talepe.

© Samoa Observer 2016

Developed by Samoa Observer in Apia