Afai e le o nei…o afea la?

282 Hits

Faatonu o le Senese Marie To’alepaiali’i, Minisita o le Matagaluega o A’oga Taaloga ma Aganuu o   Magele Mauiliu Magele ma le Ofisa Sili Lagolago  o  Polata’ivao Manutagi Tiotio.

Faatonu o le Senese Marie To’alepaiali’i, Minisita o le Matagaluega o A’oga Taaloga ma Aganuu o Magele Mauiliu Magele ma le Ofisa Sili Lagolago o Polata’ivao Manutagi Tiotio.

Tusia  - Deidre Fanene

Faaliliu e Seagaitumua Tupuola

 

E talitonu le Palemia o Tuilaepa Sa’ilele Malielegaoi  o se uiga tau ‘pisinisi i aso uma” mo a’oa’oga o le a le motusia ai lea faiga mo faia’oga i totonu o Samoa. “E faapefea ona fai a tatou pisinisi e pei ona masani ai pe afai o loo feagai le lalolagi ma se faafitauli?” o le faaaliga lea a Tuilaepa. 

 “E sili atu i le 250 miliona tamaiti i le lalolagi atoa latou te le iloa o latou nofoaga i totonu o le faitau tusi ma le matematika,” o lana faaaliga lea.  “O se 781 miliona o tagata matutua e le mafai ona faitau tusi ma tusitusi ma le 200 miliona o tagata talavou e tuua a’oga e aunoa ma ni tomai latou te mana’omia e ola ai.” Sa saunoa Tuilaepa e tatala le fono e lua aso I tausaga uma a Faia’oga a le Matagaluega o A’oga e tusa ai ma le autu “Afai e le o nei…o afea la? “

O le aoaoina o le ki lea I le atiina a’e faatumauina ma ona o lea itu-ua matua noatia atoatoa le malo ina ia fai ia mautinoa e faapea o le a ausia e Samoa le Sini faamoemoeina tau Aoaoga a Malo Aufaatasi, e ala I fuafuaga o loo faaaoga I le fuafuaga a le UNESCO mo le Aoaoina o le Lalolagi 2030.”O lea fono e tatala i tagata uma lava e auai i aoaoga, e aofia ai faia’oga, matua ma tamaiti a’oga. O Mataupu autu ua aafia I lauga i le Fono e aofia ai “Fuafuaga Tau Ta’ita’iga Lelei ma faiga masani ua matauina,” “Faiga e sili ona lelei tau Faitau “Tusi” ma isi lava vaega taua e faasino i le autu o lenei tausaga.

O Fred Brooker, o se tagata poto faapitoa tau Aoaoga mai Ausetalia faatasi ai ma sona poto masani faava-o-malo ma le faa-itulagi I mea tau aoaoga, na saunoa i le fono ananafi. O le isi saunoaga faapitoa na fai e Adonica Ihilani Kauwe Limo, o se Alii Su’esu’e Tau le Soifua Maloloina mai le Iunivesite o Utah,  le Iunaite Setete.

O e na auai na faafofoga i mea na maua ma se sailiga na ia faia i totonu o Samoa e uig i le Hygiene ma le Sanitation i totonu o Aoga ma le aafia ai o le aoaoina o tamaiti. O lea suesuega o le a faamalosia ai le mana’o mo aoga ina ia ‘ausia le tulaga itiiti tau auaunaga ia ua faatulaga e faaleleia ai le siosiomaga tau le aoaoina mo tamaiti..

O isi na saunoa e aofia ai pule o a’oga, komiti a a’oga, faife’au o nuu, faatasi ai ma sui o atunuu ma a’oga tuto’atasi, faalapotopotoga tu-to’atasi ma matagaluega a le malo ma sui o nusipepa. 

© Samoa Observer 2016

Developed by Samoa Observer in Apia