E i ai matafaioi a tupulaga talavou

Tusia Sarafina Sanerivi ma Ilia L. Likou ,

105 Hits

 “O so’o se tupulaga talavou a ua le faigaluega o ia na te fa’atinoina le fatuaiga.” Siaosi Matapusi, 26 o Faleula-Uta.

I le fa’atalatalanoaga ai ma le Fofoga o Samoa i le aso ananafi na ia fa’aalia ai le tele o matafaioi o tupulaga  i totonu o aiga, nu’u ma afio’aga ta’itasi.

O a ia matafaioi?

“O lo’u ia iloa  i ai, ia o le galuega muamua lava lea o le talavou, o le tausi o lona aiga, va’ai e alu e fai se ma’umaga pe a ua leai se galuega.

“A leai se ma’umaga , ia o le alu e fagota e maua mai ai se i’a aua matua, aua o le taimi lenei o lo’o soifua pea nai o’u matua.

“O isi aso, ou te alu la’u mai popo i luma nei fa’atau ai aua e tele le fanua, a uma le tele o matafaioi ia o le mea’ai o le afiafi i aso uma.

“O nisi taimi ia ua ou sau fa’amama luma o lo matou fale i le vao, ta ta fafie, ia ma le tele o galuega e le mafai ona tolaulau atu.

“Aepeita’i o le tupulaga talavou lava ia e ala ai ona o’o faletonu i lona olaga.

Na ia fa’ailoa i le Fofoga o Samoa  o le taimi lenei o lo’o taumafai i le mafai e gata ai lona malosi i le fa’atino ai o so’o se vaega aua lava lona aiga.

“Ia o a’u na ou faigaluega muamua  lava , ma alualu te’i lava ua ou fa’ama’amulu lea la e o’o mai lava le taimi lenei olo’o alu ai lava.

“O lo’u ia manatu i ai, e pei lava e sili atu lo’u nofo le fale ma tausi matua ma lo’u aiga ma fai ai nai vaega nei e maua ai la’u tupe.

“Ia aemaise lava pe a la’u mai le popo e fa’atau i luma i’inei.

“E pei o lea le agaga fa’afetai o lo’o i ai letaimi lenei.

O lona talitonuga e leai lava se isi mea e maua ai fa’amanuiaga i totonu o lona aiga.

“O lo’u lea fiafiaga o lo’o i ai le taimi lenei  ia fa’aauau pea e lo’u talavou nei galuega uma,  aua e le taumate fa’amanuiaga mai matua.

“E manuia ai le olaga ma le aga’i atu i le lumana’i.

© Samoa Observer 2016

Developed by Samoa Observer in Apia