A tautau mea-faipele a Buttabean?

178 Hits

<p><strong>O LE A LITAEA SI TAMALOA! : O le a malolo-ritaea le ali’i o Dave “Brown Buttabean” Letele mai le maea i le tausaga fou, pe a mae’a lana fusua’ga o totoe, e toe fetoa’i ai ma le ali’i Tonga, le Tonga Bea

O LE A LITAEA SI TAMALOA! : O le a malolo-ritaea le ali’i o Dave “Brown Buttabean” Letele mai le maea i le tausaga fou, pe a mae’a lana fusua’ga o totoe, e toe fetoa’i ai ma le ali’i Tonga, le Tonga Bea (Photo: Andrew Cornaga / www.photosport.)

Ripotia e Dave de Lorean

Fa’aliliu e Maiava

 O le a lē-silasila le atunu’u i le ali’i o Dave “Brown Buttabean” Letele, o fa’ailoa mai lona malolo-ritaea ai mai le maea i le 2016.

I luga o se ata-video i TusiFoliga a le Vaega a Duco Boxing, o lo’o fa’alauiloa mai ai e Buttabean lana fuafuaga lea. O le Vaega fo’i lea o lo’o lagolagoina le fusu’aga e faia mai i Samoa nei i le tausaga fou, lea fo’i o le a ‘auai Buttabean.

“O le a ‘ou malolo-ritaea pe a mae’a le ma fusu’aga lona lua ma le ali’i Tonga, le Tongan Bean, tusa lava pe ‘ou te malo, faia’ina pe tutusa fo’i,” o lana fa’aaliga lea. 

I le la ulua’i fetauiga i le Aso 5 o Tesema i Niu Sila, na faia’ina ai Buttabean i ‘ai, i se fusua’aga mata’ina na avea ma vaega o le fusu’aga a Lupesoli’ai Joseph Parker, le Fight for Life 2015. 

 “’Ou te fa’amalo atu i le Tongan Bear, o se matua tagata malosi lava,” o le fa’amatalaga lea a Buttabean i le ata-video.

“’O se finauga mata’utia pei o Muhammad Ali ma Joe Frazier.

“’Ou te le fa’apea atu e tutusa matou ae na matua mata’ina lava le ta’aloga i lena po.” 

A’o le’i toe fetaui le to’alua lea, e tatau lava ona fusu Buttabean i Samoa.

O le fusu’aga lea o le a fa’ataunu’uina i le Aso To’ona’i 23 o Ianuari 2016, i le Fale Ta’alo i Faleata.

O le a fusu ai  mo le ulua’i taimi, le alo-fusu ta’uta’ua o le atunu’u, o Lupesoli’ai Joseph Parker i ona fanua ma ‘ele’ele.

I luga lava o lea ata-video, o lo’o fa’amatala au’ili’ili mai ai fo’i e Buttabean, le ituaiga o tama-fusu e mana’o la te pigi le aso lea i Samoa nei.

“’Ou te mana’o i sa’u paga e matua malosi lava aua o le mea moni, o lo’o sauniuni atu mo le ma toe-fetauiga ma le Tongan Bean, ma ‘ou te le mana’o la i se manumalo faigofie.

“’Ou te mana’o i se tagata faigata, se tasi e manaia ai se fusu’aga mo le maimoa a tagata Samoa.”   

I le amataga o le vaiaso nei, na ta’ua ai e le Fa’atonu o le Vaega a Duco Events,o Graig Stanaway, ua “mae’a ona latou filifilia se paga” mo Buttabean.

“E tatau ona fa’alauiloa atu i le vaiaso nei,” o lana fa’aopopo mai lea. 

E foliga mai lava “o se tasi sa naunau muamua mai fo’i, ona tu’u atu lea iai o le avanoa ae te’i ane ua toe fa’ama’amulu,” o lana fa’aaliga lea.

© Samoa Observer 2016

Developed by Samoa Observer in Apia