Na faafeiloa’i e le Palemia o Tuilaepa Sailele Malielegaoi le to’a-14 o sitiseni fou o Samoa. O lea faafeiloaiga na faalautele atu i se sauniga tau le faatautoina i totonu o le potu o le Kapeneta ananafi. 

"O le sauniga o le Asŏ o se molimau ola lea o lo outou noafia i outou aiga ma Samoa, talu ai-o le a outou le toe auauna ia Samoa i le avea ma tagata e nonofo le tumau pe nonofo mau, ae i le avea ma sitiseni,” o le faaaliga lea a Tuilaepa. 

“O nisi o outou e ono mafai, i le taimi lata mai i le lumana’i e ala ia outou auaunaga i le atunuu, aloa’ia i totonu o le nuu o lou to’alua e avea ma matai. O se vaega lenei ma se mea o lou avea ma sitiseni o Samoa.”

 “O sea tulaga aloa’ia o le a tautala mai pea mo le tele o tupulaga o fai mai. E fai ma sui o tagata ma le malo o Samoa-ou te fia momoli atu le faamalo ia te outou uma ua faatinoina a outou tautoga o le loto faamaonia i le avea ma sitiseni o Samoa.” Fai mai le Palemia o Tuilaepa ua na iloa o nisi o sitiseni fou ua mautu o latou aiga i totonu o Samoa mo le tele o tausaga ma o le a faaauau pea ona fai so latou sao lelei i le atiina a’e o le atunuu. O ia sitiseni fou ua agavaa i lalo o le Fuaiupu 9 o le Tulafono o Sitiseni 2004, lea o loo tuuina atu ai sitiseni e ala i faaipoipoga, ma le toatele lava ua mae’a ona faamautuina ni sootaga tau aiga, atunuu ma pisinisi i totonu o Samoa.   

O Sitiseni i totonu o Samoa e agavaa i le mafai ona faatau se fanua, palota i Faiga-Palota Lautele, le aia tatau e maua ai ni pepa malaga, le mafai ona avea ma sui o Samoa i taaloga, le aia tatau e maua i se penisione, le aia tatau e talosaga mo sikalasipi tau aoaoga ma tulaga tau sitiseni mo le tausiga o le soifua maloloina...O le Pule o le Mailelani Body Care, o Sylvie Gabrielle Salanoa, o loo filo i sitiseni fou. “Ua leva ona ‘ou iinei mo se taimi umi ma sa agalelei tele tagata Samoa ia te a’u ma talia a’u ma ou te manatu sa ou alofa ia Samoa mo sina taimi, ae o le maua o lenei sitiseni ua sili atu ai ona lelei mo a’u,” o le faaaliga lea a le tamaitai.  O se laasaga lelei lea e tatau ona fai ona o la’u tane -ma e i ai la’u fuafuaga e nonofo iinei. O le aiga lenei mo i ma’ua ma o se faaauauina lea o le faia o se faamatalaga ma ua ma iinei  i taimi uma, galulue faatasi ma tagata mo le faaleleia o tagata.”

O le isi sitiseni fou ma o le pule lea o le K.S.Mart i Vaitele, o Chen Hong, fai mai ua na matua faafetaia le malo o Samoa mo le aloa’ia o ia. “Ua ‘ou fiafia lava ona ua mafai ona ‘ou maua se sitiseni o Samoa ona ua leva ona ‘ou iinei mo le sefulu tausaga i le taimi nei,” o lana faaaliga lea. “Ua pei lava a’u o se Samoa moni i le taimi nei. Ua leva ona ‘ou iinei ma ua ‘ou faaipoipo foi i se tamaitai Samoa. “Ou te malamalama i le aganuu a Samoa ma o le mea taua foi lena iinei. Ou te fiafia e aoao nisi mea e uiga i le aganuu ma ia mafai ona faavae lo’u aiga iinei.”

O sitiseni fou o : Mrs Sylvie Gabrielle Salanoa, Mr Narendra Krishna Gounder, Mrs Vivienne Isobel Euini, Mr Lican Chen, Mr Mingfeng Chen, Mrs Lorraine Anne Esera, Mr Cordt Wolfgang Steinsiek, Mr Chen Hong, Chiyuan Liu, Mr Youkai Fang, Mrs Varea Dawn Vaurasi-Lelevaga, Mr Alfram Roy Nukuro, Jyothi Alex Abraham, Mr Xiaohua Huang.