Moe miti ia toe feioala’i ma le fanau

By Aruna Lolani 19 July 2017, 12:00AM

O Aiga Pinati o se tamā to’atolu le fanau ma ua loa foi tausaga talu ona valavala ma lona aiga. 

Sa maua le fa’atalatalanoaga ma le Fofoga o Samoa a’o feagai ai ia ma galuega le aso ananafi. 

“O a’u ou te faigaluega i nei,” o lana lea tala. 

“O lo’o o’u gafa nei ma le tapenaina o le fanau lenei ia e pei ona o’o mai foi le tou polokalame, o lo’o taumafai e fa’amama atu le fanau aua foi le asiasiga le nu’u.

“Ia la’u lava lea galuega o le galuegaina o le fa’ataoaga fa’i o lo’o i tua o ma na le pau foi lea o le alagatupe o lo’o o’u  fa’amoemoe ai. 

“Ia o a’u sa fai muamua lo’u aiga ae o le taimi nei ia ua leva ona ma tete’a ma i o’u to’alua o la’u fanau foi o lo’o i Niu Sila foi. 

“Ia e  pau foi a lea o se fa’anoanoaga ia te a’u o le fanau aua ua leva mau te lei toe faatasi. Ia ae talosia le alofa o le Alii o lo’o manuia uma ma talosia ae matou toe feiloa’i. 

“Tatalo lava le Ali’i ia toe maua se feso’otaiga ma le fanau ua leva foi  tausaga lei toe feiloa’i. 

Sa ia taua o le avea ai o le eseese o ia ma le aiga o se tasi lea o ona malosiaga e galue ai pea. 

“Ia e avea foi le nofo eseese ma auala ia te a’u e lu’itauina ai lo’u galue malosi ia ola pea aua e o lo’o soifua le Ali’i. 

“Ou te iloa foi ma mautinoa o lo’o iai lava le itula lelei e maua ai se feso’otaiga ma le fanau. 

“Pau lava le tatalo ia manuia ma ia ola fiafai foi. 

“O le taimi nei o lo’o o’u nofo i si o’u tuafafine i Vaiusu. Ia ou te fesoasaoni foi ia te ia i le tausiga le aiga ae maise feau masani. 

“O lo’u totogi e $140 i le vaiaso ia e lava lelei la’u fa’asoa ma ave e fesoasaoni si o’u aiga. 

“E taua tele la’u galuega ia te a’u aua o lenei vaitau ua faigata lava na su’e le galuega ia o le ala foi lea le na ou fiafia ai la’u galuega. 

“Pau lava la’u miti ia toe feiloa’i atu le fanau. 

By Aruna Lolani 19 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>