Manunu’a Leoleo i le faagasologa o se osofaiga

Tusia Pai Mulitalo Ale ma Faaliliu e Seagaitumua Tupuola ,

206 Hits

E to’alua ni alii leoleo na manunu’a i le faagasologa o se osofaiga tau fualaau faasaina i le vaiaso talu ai, Aso Faraile 10 o Iuni 2016 i Vailu’utai pe tusa o le itula e 1 i le aoauli. O ia alii leoleo o sui o le Vaega e igoa o le ‘Tactical Operation Squard-ina na manunu’a i ni mailei sa i se faatoaga.

Na faaalia e le Fofoga o Leoleo mo nusipepa o Maotaoalii Kaioneta Kitiona e faapea sa i ai ni fao na tavili i totonu o fasi laau ma sa natia i toonu o se pu na uia e ia alii leoleo.

E to’alua ni alii leoleo ua toe malolosi.. 

Fai mai Maotaoalii o lea gaoioiga sa faatino e le Vaega o Nakoti a le Matagaluega o Leoleo faatasi ai ma le lagolago a le Tactical Operation Sector (TOS). 

O lea osofaiga na faatino pe tusa o le itula e 1 i le aoauli i le Aso Faraile o le vaiaso talu ai ma e sili atu i lo le 500 lau o le marijuana ma fatu na maua i le fanua o lē ua molia.

.Fai mai Maotaoalii e le na o marijuana na maua ai ae na mau foi e Leoleo se fana 12 gaug (shot gun) ma se fana rifle 22 faatasi ai ma ututau e 18. E to’alima tagata na saisai i lea aso ae ui o lea-e na o le to’atolu na molia-o se ulugalii e 35 ma le 31 tausaga le matutua ma se alii e 20 tausaga le matua mai lea lava nuu.Ma o le isi to’alua o loo masalomia na toe tatala i tua i lea lava aso.

O le to’atolu ua tuua’ia o loo feagai ma le tele o moliaga e faasino i nakoti ma fana solitulafono ma o loo taofia pea i lalo o le vaaia a leoleo se’ia auli le aso 28 o Iuni 2016 mo le lauina o la moliaga i totonu o le Faamasinoga Sili.

© Samoa Observer 2016

Developed by Samoa Observer in Apia