Ua faaipoipo se Tusitala Sinia o le Samoa Observer
“O le alofagia o se mea lea-ae o le alofagia e le tagata e te alofa i ai-o mea uma lava ia.” O totonu o ia upu, ua avea ai e Egbert Kelly Ah Tong Lanuola Tusani Tupufia ma ona to’alua faaipoipo faale-tulafono ma o se paaga mo le olaga atoa, ua faamau faailogaina i luma o le Atua.
.O lea ulugalii faatoa faaipoipo na faailogaina le amataga o le la malaga fai faatasi i le po o le Aso Faraile, i le St.Therese Accommodations and Retreat i le Tofamamao i Le’auvaa, a’o faatasi ai o la aiga ma uo.
O le tuufaatasia i le alofa ma le mafuta faatasi mo se faamoemoe, na faafesuia’i lea ulugalii fou a la ta’utinoga tau faaipoipoga i luma o Rev Poka Maua, o la aiga, uo ma malo valaaulia.
O le tama’itai faaipoipo o Lanuola Tusani Tupufia o le alo o Tusani Luasamotu ma Mata’afa Tuiavea Setefano Tupufia mai nuu o Iva Savaii ma Savaia Lefaga, ma o ia o se tusitala sinia i le Nusipepa o le Samoa Observer. O le faato’ā faiavā, o Egbert Luafalealo Ah Tong o le alo o Victoria Bernadine Keil ma Luafalealo Vitale Ah Tong o Luatuanu’u ma e galue o ia i le Faalapotopotoga o le Malosi Tau Eletise.
O lea ulugalii na fetaui i le fitu tausaga talu ai, ma o le po o le Aso Faraile, na faatino ai a la tautoga ma folafolaga ina ia alofa atu ma faapelepele le tasi i le isi i le olaga atoa.
E toe momoli atu le Faamalo Mr and Mrs Ah Tong!