Te’ena e le Palemia le ofo e $1 milliona tala

209 Hits

Palemia Tuilaepa Lupesoliai Sailele Malielegaoi.

Palemia Tuilaepa Lupesoliai Sailele Malielegaoi. (Photo: Samoa Observer)

(OFISA SO’OUPU) Ua tele tala feavea’i solo i luga o upega tafailagi e faatatau lea i se saunoaga a le Palemia e faapea o le a le toe faaogaina Samoa le Facebook.

Peitai i le faatalanoanoana na pueina e le TV1 i le polokamale o le Taimi ma le Palemia na saunoa manino ai Tuilaepa i le faasaoina o lana saunoaga na fai.

Tuilaepa: “E leai se isi mea na’o le pau a le mea lea na ou tautala atu ai; a? O e manatua foi la’u tala?”

Taimi & Palemia: “I”

Tuilaepa: O le a la’u tala na fai atu?

Taimi & Palemia: Tusa pe miliona e faaalu e fai a’i vaega ia e moomia….

Tuilaepa: “E faatino ai le faamasinoga, poo gaioiga e faamuta ai le vevesi”

“O la’u tala lena, ua e vaai la i ai i uiga o mo mea o tagata e i totonu o mo mea o faasalalauga, e tiga a na sa’o lau tala ae nofo ma mimilo mimilo mimilo.”

“A’o le uiga o la’u tala, ua uma ona ou talanoa i le Loia Sili ma Officials o le Malo, pe miliona e alu i le faatinoga o gaioina e saili ai le amiotonu, ma molia ai tagata ia, poo le taofia ai o le facebook, o le mea pito sili ona taua o le puipuia o tatou tagata mai le faaleagaina e tagata leaga faapenei.”

“Ua uma foi la ona ou talanoa atu, i le taua tele o mea nei o fesootaiga televavave mo aiga, o tatou tagata.

O se faiga na faatino e le Malo, ona e taua tele mo o tatou tagata. Ae i ai a la tagata ua nofo ma faaoga sese, faaoga le mea lea e matuā fai ai ni tala leaga e faatatau i isi tagata ae lalafi i tua i i.”

“Lea la na ou taua ai, ua uma la ona ou talanoa i le Loia Sili a le Malo fai ni moliaga, pe oo i le fia miliona tala, pe oo i le fia miliona tala aua nei taofia le mea ona fai. O la’u tala lea.”

“E le ai la nisi a’u tala e toe avatua, o lea a e manino, a nonofo a latou ma faapipi’o, poo le a lava le ituaiga pi’o faitalia ia latou.”

“O uiga a na o mea la ia e taumafai le Malo e fai, ia matuā molia tagata e nonofo ma faapipi’o mea; e oo a i le taufaaleaga tagata, o lea e matuā mataga le faaleagaga o o tatou tagata. A’o tagata ia e faaleaga, ai a o mea ia ua masani ai latou, aemaise a pe a oo mai i mataupu maaleale, ia ai a o mea ia e fai e latou aiga, fai e latou tuafafine, e fai e latou matua.”

“A o le uiga la o la’u faamatalaga o tagata Samoa, tagata ia e iinei ma ua iloa uma a e tagata latou ia, auā e le faapea e le’o iloa, o lea e iloa. A outou vaai lelei a i ai i o latou talaaga o lea e mafiafia ai mea ia, le faavevesi aiga faavevesi atunuu.”

© Samoa Observer 2016

Developed by Samoa Observer in Apia