PUIPUI MALU E LE PALEMIA ANA MEA FAALILOLILO

19 March 2016, 12:00AM

Lanuola Tusani Tupufia 

Faa;liliu e Seagaitumua Tupuola

 

E leai se mea e tasi na faailoa e le Palemia o Tuilaepa Sailele Malielegaoi ananpo pe o ai o ai la Sui Palemia. E le’i musuina lava a’u e le Agaga e uiga i se mea e tasi,” o le faaaliga lea a Tuilaepa i le Samoa Observer. “Atonu o o le taeao a taeao (taeao o le asō) talu ai o mea uma lava ou te faia e faalagolago i le Atua ma lona Agaga.”

Na musu le Palemia na te faamaonia pe teena lipoti e faapea o le a na tofia le Sui Ta’ita’i o le Vaega Faa-Upufai e Puipuia Aia Tatau a Tagata (H.R.P.P.), o Fiame Naomi Mataafa, e avea ma ona Sui.Na te le’i ta’ua foi le ono mafai ona tofia o Faumuina Tiatia Liuga poo Fonotoe Pierre Lauofo-ina ia faaauau pea i lea tulaga. 

“Ou te le iloa,” o lana tali lava lea. Fai mai le Palemia o le a faaalia mea uma lava i Tuana’imao i le taeao ananafi- e aofia ai Minisita o lana Kapeneta-i le faagasologa o le fonotaga muamua a le Palemene. O se tasi o galuega faamuamua a le Palemene o le faatautoina lea o le Fofoga Fetalai fou o le Palemene, o Le’aupepe Toleafoa Faafisi ma lona Sui, o Nafo’itoa Talaimanu Keti.O Sui Usufono uma o le Palemene o le a faapea foi ona faatauto ai.  

O Lana Afioga i le Ao o le Malo, Lana Afioga Mamalu Tui Atua Tupua Tamasese Efi-o le a malele e tatala aloa’ia ai le Palemene. E tusa ai ma Tuilaepa, o le a mumua ona faalauiloa Minisita o le Kapeneta e 13 ona faalauiloa ai lea o latou Sui Minisita. O sana faaaliga e uiga i Sui Minisita, fai mai le Palemia ua tonu i le faa-faletui a le H.R.P.P.o le a na o le tasi lava le Sui Minisita o le Minisita-pe a fua i le faiga masani tuai lea sa avea uma ai sui auai o le Pati mo Sui Minisita o soo se ituaiga.   

Fai mai Tuilaepa o lea faiga sa talafeagai i aso ua mavae a’o le’i ausia e le H.R.P.P.se tulaga maualuga tau sui e auai. Ae o le 47 o sui auai, fai mai a ia- ua le mafai ona avea i latou uma ma Minisita Lagolago. 

 “Ua tonu ia i matou e faapea o le a tofu le Minisita ma le Minisita Lagolago e to’atasi e fesoasoani ia te ia, ae o le vaega o loo totoe ai e 19 faaopoopo i ai ma sui e toalua o le Itu Agai ma le to’atasi o sui tutoatasi (22) e mafai ona latou teena le faigamalo.” 

 “O le silasila mamao lea,” o lana faaaliga lea. “O le faamoemoe ia tausia ai le tulaga tuto’atasi o lo tatou Palemene.” Na ia toe ta’ua e faapea o Minisita o le Kapeneta ma o latou Sui Minisita e tatau ona avea ma tuufaatasiga o sui poto masani ma faipule fou o i ai mafaufauga fou. “O le faamoemoe ia maua ni felafolafoaiga taua i taimi uma e talanoaina ai se mataupu….o le pogai lena ou te fai atu ai pea e ‘aua le popole-talu ai tatou te le’i filifilia i tatou, ae o le faaiuga lea a le atunuu mo Sui Usufono o le tatou vaega ina maua le vaega aupito i tele (o nofoa).”

Talu ai e to’alima Minisita ua mamulu atu o latou nofoa ina ua mavae le palota, e to’afitu Minisita na mafai e Tuilaepa ona toe faafo’i mai e aofia ai le Fofoga Fetalai o loo i ai nei-o Laaulialemalietoa Leuatea Polataivao ma ia lava.

Ae ui o lea, o loo tumau pea ona i ai le 12 Sui Usufono poto masani e 12 ia na sao mai le palota ma faipule fou ia o loo i ai le tuufaatasiga o le leva ona tautua e pei o tagata faigaluega o le malo ma tagata faipisinisi. 

19 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>