To’afa Tamaiti A’oga ua saisai ma taofia

19 March 2016, 12:00AM

Pai Mulitalo Ale

Faaliliu e Seagaitumua Tupuola  

 

E to’atolu ni tamaiti a’oga ua saisai ma taofia e Leoleo talu ai le misa a a’oga i Savalalo i le Aso Gafua. Na faamaonia lea tulaga e le Alii Ofisa o Tala Fou a Leoleo-o Maotaoalii Kaioneta Kitiona ananafi.

Sa matou manatu o le tuuina atu ia i latou o avanoa o le a maua ai se lesona mo i latou ae leai se mea faapena na tupu mai,” o lana faaaliga lea.  “O nei tamaiti a’oga latou te le o a’oa’oina se mea ma o lea ua matou talitonu ai ona pau lava le ala latou te aoaoina ai se mea- pe a matou avatu i latou i Tafaigata ma taofia ai.”

Na toe ta’ua e le Alii Ofisa Tau Faasalalauga e faapea o se tasi o faafitauli aupito i tele o tama a’oga tuai ia e leai ni a latou mea e fai. Fai mai Maotaoalii o tamaiti a’oga ia e faatupuina fusuaga ma o faaaoga a latou telefoni feavea’i e faatupu ai nei faafitauli.

Ina ua fesiligia pe aisea ua na o le to’atolu ai tamaiti ua loka, fai mai Maota e mafai ona latou molia i latou e tusa ai ma faamatalaga molimau ua latou maua.  “Matou te talosagaina sui o le atunuu lautele ina ia matou galulue faatasi,” o lana faaaliga lea, ma na toe ta’ua ai e faapea o nisi tamaiti e manatu e mafai ona latou sao mai ia ituaiga o amioga i nofoaga faitele. “Ou te tuua’ia matua i nisi taimi.

O lo latou tiute le a’oa’o o a latou fanau ina ia amio pulea,” o le isi manatu lea o Maota. Ua uma ona feiloa’i le Komesina o Leoleo ma Pulea’oga o kolisi ia o loo aafia ai ma tuuina mai se ta’utinoga e faapea o le a latou faatino le latou pitolaau e fo’ia ai le vevesi i le va o a’oga.

19 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>