Fia maua se tanevai

By Ilia L Likou 19 January 2018, 12:00AM

Na maua le fa’atalatalanoaga a le Fofoga o Samoa ma Fa’alua Skelton, 38 le matua o le soifua mai le afio’agfa o Aleisa-Uta.

Na ia fa’ailoa sa nonofo i se tasi vaega o le afioaga ae o le  taimi lenei ua omai i lalo e nonofo ai ona o le tulaga faigata ua i ai nei.

O le leai o se suavai o lo’o ua ‘a’afia ai le tele o aiga o le afioaga.

‘Ia e pei o lea lava le tulaga o lo’o ua i ai nei, ma o se tulaga faigata tele lea i a te a’u lava ia.

“O le isi vaega e ao ona silafia o le faigata tele lea ona maua se suatimu.

“E mo le silafia ai ia o lea fa’atoa tau amata le aiga nei, e matuai leai lava se tulaga foi le le e mafai ai ona vave maua se tupe mo le fa’atinoina o le tele o vaega.

“E le na’o i matou le aiga o lo’o ua feagai ma lenei fa’afitauli  ma o se itu faigata tele lea mo lete o i matou.

Na ia fa’ailoa e leai se isi o i laua ma le to’alua e faigaluega.

“Ia o lo’o i ai lava nisi o vaega o lo’o galueaina le taimi lenei lea e mafai ona maua ai se tupe fa’asili.

‘O le laki lena o lo’o i ai nei, e pei o lea e tua lava i le lauele’ele mo se tupe maua.

“Ae mo le tanevai , ia na talosagaina le Koluse Mumu mo se  fesoasoani ae o’o mai le taimi lenei e le’i mafai lava ona tali mai.

‘O se  tulaga faigata tele lea ua i ai le taimi lenei ma o se itu e ao ona silasila lelei i ai aua le fa’ataunu’uina.

Mo se fesoasoani mo le aiga ia fe’so’ota’i le 7731559

By Ilia L Likou 19 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>