“E fia avea a’u ma tama lakapi le lumana’i”

By Sarafina Sanerivi 19 January 2017, 12:00AM

O lea le fa’amoemoega o le ali’i i a Juniour Va’a, 15 tausaga o Vailele i le fa’atalatalanoaga ma le Fofoga o Samoa i le aso ananafi.

“Ia ole taimi lenei e pei o lea lava le naunautaiga o lo’o ua i ai le taimi lenei pe  a matua, ma o se manaoga na i a te a’u lava a’o o’u laititi.

“Ia na amata mai lava i aoga e o’o mai lava le taimi ia o lo’o ua taumafai pea ina taunu’u le lumana’i lea miti.

“A’o o’u laititi ai, ia e fiafia lava e matamata i lakapi, ia  e pei o le isi itu lea o lo’o tuleia ai lava a’u ina ia ou ausia lea tulaga.

“O lo’u iloa i ai le ta’aloga ia e tele lava lu’itau ae a atamai le ‘au ta’a’alo ia e faigofie mea uma.

Na ia ta’ua o lo’o ua taumafai pea ina ia ausia o so’o se vaega mo le lelei ole atunu’u.

“Ia e pei o matou o lo’o tele lava ina fa’apea mai le to’atele o le manuia o le atunu’u i le lumana’i, ae pei o lo’u ia lea sao pe a manuia.

“O le avefu’a o Samoa i le lakapi.

“O le taimi lenei ia  o le toaga lava le aoga, e pei ona fa’amalosia i lenei taimi ia o le toaga lava i le aoga e o lua ma ta’aloga.

“O lea le le itu taua i a te a’u lava ia o le fa’amuamua lava ona ou usita’i lelei i o’u matua, ia ma toaga e fai fe’au ina ia lelei ai le agai i luma o le soifuaga.

“E pei o le fiafiaga lea i a te a’u lava ia i le taimi lenei, ia taumafai muamua lava e fai lelei le aoga.

Na ia ta’ua o lo’o i ai le au lakapi o lo’o i ai le taimi lenei.

“Ia e pei ona fa’ailoa atu, ia o le mafua’aga lea o le a a’u lakapi i totonu o le aoga po o le Kolisi o Leififi o lo’o o’u ta’alo ai.

“E matua’i fa’aaoga lelei le avanoa ia ma pu’epu’e maua mai le  tomai o faiaoga o lo’o o latou fesoasoani mo i matou le fanau.

“O le manaia lava o le amata atu le taimi lenei a o’o atu lava i au tetele ia olo’o i ai lava le agaga lea o le gauai i ai.

By Sarafina Sanerivi 19 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>