Fai mai le Palemia o lapisi ia tuuaiga

19 January 2016, 12:00AM

Tusia - Lanuola Tusani Tupufia 

Faaliliu e Seagaitumua Tupuola

 

O tausaga amata o le aoaoina o se tamaitiiti o tausaga aupito i taua ia, o le faaaliga lea a le Palemia o Tuilaepa Sailele Malielegaoi ma ua faapea mai ai o lapisi ia tuuaiga e faapea o le tau o pili o a’oga i le iunivesite ma le tulaga o kolisi ua matua taugata lava ma ua pogai ai ona le toe a’o’oga tamaiti a’oga. 

Na ia tuua’iga foi matua mo le faaseseina o tamaiti o aoga maulalo e ala i folafolaga o loo fai ai le faatauina atu o oloa i luga o ala tetele ae le o i a’oga.

O le Aso Tofi na fai mai ai Tuilaepa e tusa lava pe lua tala le pili o le a’oga, e tumau lava ona faasea matua latou te le mafai ona gafatia.

Na ia toe ta’ua o taimi amta o le mua’i aoaoina o le tamaitiiti se’ia o’o ina latou ‘ausia le Tausaga 13- e sili ona taua lena i le olaga aoaoina o se tamaitiiti.

Mai le Tausaga 1 i le Tausaga 6 e taua tele mo se tamaititi,” o le faamalamalamaga lea a Tuilaepa.

O le nofoaga lenei e amata ai lo latou aoaoina-pe faapefea ona faitau ma afai ua lava tapena i latou mo le olaga i le taimi e faafeto’ai ai latou e mea faigata, ae ua matou malolosi o latou mafaufau.” 

I lona ta’ua o tamaiti i luga o ala tetele e faatau atu oloa, fai mai Tuilaepa a leai se lua tala a matua, ona latou auina atu lea o tamaiti e faatau niu ma alu i le maketi..

Fai mai le Palemia o le vaega e sili ona leaga o le faamalosia o tamaiti e faatau atu oloa i luga o ala tetele –o le faasese lea e o latou matua latou te faatauina a latou aisikulimi pe a uma ona latou faatau atu oloa ma o le mea lenei ua faavaivaia ai i latou mai le o atu i le a’oga.“O le taimi lava latou te masani ai i lea faiga, e le toe fiafia e o i le a’oga,” o lana faaaliga lea.. 

Tusa foi pe latou te o i le aoga-latou te miti ma mafaufau faapea e le mafai ona ‘ou faatali se’i ta le 1 ina ia mafai ai ona ‘ou alu atu e faatau atu niu…o le vaega lena e sili ona leaga o lenei matau, ma o matua e pogai ai.” 

Sa faatusa e Tuilaepa tamaiti e le toe fia fo’i atu i le a’oga i pua’a fanua ia e tata’a solo  “Afai la tou te manatu i matou i totonu o nuu-tusa lava pe i ai sau faatoaga lelei ma se aupa, e mafai lava e pua’a i taimi uma ona sao i totonu ma ‘ai taro,” o lana faaaliga lea. 

 “E leai lava se eseesega ma tamaiti ia ua masani i le olaga ma ua loa ona faasese e o latou tina i se aisikulimi. Ona au lava le mea latou te mafaufau i a ii totonu o le potu a’oga o le taimi lea latou te faatauina atu ai a latou oloa ina ia mafai ai ona latou maua se tupe mai lo latou tina e faatau ai se aisikulimi.” 

Fai mai le Palemia o se tasi lenei o mafuaga e mata’itu ai e Leoleo ma le Matagaluega o A’oga ia tamaiti ina ia una’ia i latou e toe fo’i atu i le a’oga.  

“Ae peitai, o ia tuuaiga e matua vaivai tele talu ai-e nonofo tamaitai mai le a’oga ma toe taliu atu i o latou nuu-talu ai –e le’i lelei le amataga o i latou i totonu o le a’oga. Afai sa le lelei le amataga-o lona uiga- e tusa foi ma lona taunuuga.  O le pogai lena ua ‘ou fai atu ai ua tatau ona taofi lo latou faitioina o le taunuuga i le faaiuga, ae tatau ona latou tilotilo i tua pe  na faapefea ona latou amata.”

19 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>