Aulelei Pesepesega Kirisimasi
O le po o le Aso Faraile na se’i mavae atu nei po’o le po lona fa o le 13 Aso o le Kirisimasi i le E.F.K.S. Vaitele-Uta na fa’afiafia ai le Bluesky Samoa.
Na mata’ina lo latou sao i lea fa’amoemoe taua.
O le po lona lima, Aso To’ona’i na fa’afiafia ai le Kolisi o Leulumoega lea na auai le latalata i le selau o le fanau aoga.
Na matagofie tapenaga a aufaipese uma e lua aua lava le tapenaina o loto ma agaga e talia le pepe o le a fanau mai, O Iesu Keriso.
O le po anapo na fa’afiafia ai le Ekalesia Fa’apotopotoga Kerisiano a Tulaele ma o le a soso’o ai ma le Ekalesia e tasi mai Atafu i Toelau i le po ananei.