E le na’o ni tama e fai fa’ato’aga

Tusia Ilia L Likou ,

134 Hits

Mimisa Se’eti (lona fa-atu-le-agavale) ma nisi o le fanau aoga mai le Kolisi o Faleata.

Mimisa Se’eti (lona fa-atu-le-agavale) ma nisi o le fanau aoga mai le Kolisi o Faleata.

Le tama’ita’i i a  Mimisa Se’eti o le Tausaga 13 i le Kolisi o Faleata.

I le fa’atalatalanoaga  ma le  Fofoga o Samoa sa ia fa’ailoa ai o le iloa ai o metotia i le amataina o se fa’ato’aga o se itu taua tele lea i le tele o fanau.

O lona iloa, o so’o se atina’e e taumafai i ai le tagata mai lava i lona laititi se’ia o’o ina avea ma tagata matua e ao lava ona fa’ataunu’uina ma ia ausia.

O le auai ai la o ia i mataupu tau fa’atoaga (Agriculture and Horticulture) mai lava le Tausaga 9 a le Kolisi se’ia i le Tausaga 13 o se fa’aosofiaga lea i a te ia e tuliloa pea lea miti.

O lona talitonuga, o a fa’amanuiaga ma taleni ua foa’i e le Atua i le tagata ae a tu’u i ai le malosi ma le ola finafinau o le a le taumate le fa’amanuiaina.

“Ia o se miti lea i a te a’u ina ua amata ona a’oa’oina a’u i mataupu nei, e pei o i na ou iloa tele ai e sili atu tupe e maua e le tagata fai fa’ato’aga nai lo le to’atele o le mau ofisa i le malo.

“Ia o totonu o si o’u aiga le isi mafua’aga ua fa’amalosia ai lava a’u ina ia ou matua ma avea ma tagata faifa’ato’aga.

“E le gata i lea ua ou iloa lelei, le faigata o le a i ai le tau o le soifuaga o le a i ai le atunu’u i le isi lima i le sefulu tausaga.

“O lea la ua ou filifili ai lava i le taimi lenei ina ia ou ausia le miti lenei, e le gata ina fesoasoani tele mo si o’u aiga ae mo lo’u ia lumana’i manuia.

“O la’u lava ia mau ia ua le toe faigofie nei aso, ua fa’apea ona tele vaega e taugata e pei o tau o oloa ma le tele lava ae o le ola filiga ma finau mo vaega ia o le a fesoasoani tele mo a’u ma le aiga.

Na ia fa’ailoa e le’o  fanau uma e lelei i le api ma le peni.

“O lea ua ou iloa le taimi lenei ua si’itia le tele o oloa ma e tele tupe maua mai fa’atoaga nai lo tagata faigaluega.

“A oti mai tau a’oa’oga ia ae lae lelei le fai fa’ato’aga.

O Mimisa ma nisi o le fanau Aoga o lo’o auai i Mataupu tau Fa’ato’aga i totonu o le Kolisi o  Faleata.

© Samoa Observer 2016

Developed by Samoa Observer in Apia