A’afia i le ola fa’atamala o nisi

Tusia Vatapuia Maiava ma Ilia L Likou ,

163 Hits

Tuto’atasi Ofisa o Nu’u

Tuto’atasi Ofisa o Nu’u

O le silia ai ma le tolu tausaga talu ona nofoia e le tamā i a Tuto’atasi Ofisa, 54 le matua o le soifua ma o lo’o aumai i nisi o fanua fou i Nu’u..

 I le fa’atalatalanoaga ma le Fofoga o Samoa, na ia fa’ailoa ai le tele o fa’afitauli o lo’o ua feagai ai nei ma le aiga.

O ia fa’afitauli na ia saunoa ma fa’ailoa i le Fofoga o Samoa e mafua ona o le le leai o se galulue fa’atasi o le nisi o le mamalu o le atunu’u.

“Ia e pei ona silafia ai lenei nofoaga ia e pei o ga’uta o le lapisi ae o tua atu nei, ia mo le silafia ua tele ina fa’inaelo atu ai tagata.

“O se itu fa’anoanoa lava lea  o lo’o tele ina afaina ai matou i tua nei, ona e fai o le asu mai o le lapisi i Tafa’igata  ma aumai le manogi leaga pe a mu, ae o lapisi o lo’o lafoa’i e le to’atele i tua atu i’inei. 

 “O lo’u tiute fa’amatua o le puipuia lea o la’u fanau mai fa’ama’i aemaise o  lo latou saogalemu ae o le taimi lava e sau ai le asu pe a mu Tafaigata i le lapisi e pei o lea le tulaga e lagona ai tele le popole aemaise o le va’ai alofa i le to’atele o lo’o i lenei fo’i pito o le atunu’u.

 “Ia e pei ona maitauina ua tele lava ina mu le lapisi ia ua matua’i le soifua maloloina lava, o le taimi la lenei e tusa lava po o le a se afi e toe mu mai i gauta ia ua matua’i fai lava ma popolega i a te a’u ona o si a’u fanau.

 “Ia o nisi o taimi ua fa’alogo atu ai e pei ua leai se isi e mafai ona fesoasoani mai i a’i matou.

O le isi fa’afitauli sa ia fa’ailoa o le leai ai lea o ni loli e aoina ai le lapisi e mafai ona o’o atu i tua i le vaega o lo’o ua nofoia i le to’atele o tagata.

 “Ia e pei o le isi vaega tele lea o lo’o o matou va’ava’ai atu i ai ma e mana’omia lava se fesoasoani i le taimi lenei.

“O se tulaga le manuia tele i la matou maitau atu ai aemaise o le nonofo ai i veaga nei o le atunu’u.

 “Ia aua e fai la’u tala a o’o ina mu mai le lapisi i Tafa’igata e matua’i leiloa se taga a fai, aua o le manogi ia e matua’i ese nei manogi e sau ona o lo’o feavea’i e le savili.

 “Ia e le soifua maloloina ai nisi i nei ituaiga faiga o lo’o o matou i ai i le tele o taimi.

 “O le omai ai fo’i lafoa’i le lapisi i tua atu e pei o le isi lea tulaga mata’utia o lo’o i ai.

E pei o le vaega tele ua le mafai ona fai ai se isi gaioiga ona o le le lelei o tagata olo’o omai ma lafoa’i mai lapisi i tua nei.

 “Ia e le na’o matou o lo’o ‘a’afia i lea tulaga o lo’o ‘a’afia ai le tele o nai tagata i tua nei.

“O le talosaga fo’i lea i le malo ina ia silasila toto’a i nei vaega.

© Samoa Observer 2016

Developed by Samoa Observer in Apia