“E le mativa Samoa”
Ola i mea ete maua, ole feau lena mai ile tama ia Uaita Mase o Magiagi. E iai uma manatu faaalia o tagata i nei ona po e faatatau ile soifuaga.
Mo Uaita, le tama ile fanau e toalua, e talitonu lava ia e leai se ola mativa I Samoa poo le ola faalolo foi. Aua o loo lelei lava le olaga ma o loo talafeagai le tau ole soifuaga.
“Oute manatua le saunoaga ale alii Palemia, e leai se na mea ole ola mativa I Samoa
“E moni, aua o loo tele lava le oa sa foaina mai ele Atua mo Samoa e atinae ai o tatou aiga
“E leai lava se tasi e leai ni fanua na foai mai e tuaa ua mavae atu, e tofu uma lava tatou male aiga
“Ole olaga foi I Samoa, ese le faigofie, afai ua leai ni mea e nonofo ai, o loo iai aiga potopoto e sulufai iai mose fesoasoani… e tele lava auala ale Alii.”
“E tatau foi iai tatou Samoa ona amanaia mea o loo tatou mauaina I lea aso ma lea aso.”
Sa faaali foi le manatu ole tama ile fofoga o Samoa e faatatau lea ile taugata ole soifuaga. Ole manatu ole tama e iai lava le mafuaaga ua taugata ai.
“Atonu e leiloa poo le taugata o oloa o loo aumai ele malo I totonu o Samoa, pe e taugata foi le tau o tiute o loo aumai ai nei oloa…
“O lou manatu, o loo fua lava ele malo ma tagata faipisinisi le taugata o oloa e fua ile tupe o loo faatau mai ai I totonu ole tatou atunuu.”
Ole talitonuga foi o lenei tama, e alai ona taugata le soifuaga ona o le faatamala ole tagata lava ia.
“E alai ona ola mativa tagata ona e leo galue pe e leo naunau foi e galue malosi I lenei olaga, aua ua tatou iloa uma ua faigata aso nei…
“Ei luga lava ole tagata ana galuega e fai.”
“O loo tele lava le oa I totonu ole tatou atunuu e atiae ai aiga o tagata… O loo iai le maumaga e mafai foi ona sue galuega, o loo tele lava avanoa…”
“E leiloa mea e tutupu ile lumanai ae ole tagata lava ma ana galuega faatino e iloa ai foi le tali ole lumanai ia.”