E iai lava le tatou filifiliga

By Aruna Lolani 18 August 2017, 12:00AM

Na maua le faatalatalanoaga a le Fofoga o Samoa ma Mua Iao i le aso ananafi ma sa ia saunoaina le taua o le ola galue i lenei vaitaimi.

O Mua o ia o se tagata mai le nu’u o Satalo ma Same Sapapalii Savaii.

“E aoga a le galue aua  o le olaga a ia o le Samoa, e mo’i o loua toatele tagata loua iai le manatu lena ua le toe fia galulue. O le toatele o tagata loua maua ai le manaoga na o le ola fifilemu, e le toe manao e fia galue e pei o aso la pei o tatou tua’a.

“E pei la o le mea lea ta te vaai ai le taulaga , o nai tama ma nai tina lae saofafai solo ma aisi, tusa ua le toe mananao latou foi lea e galulue foi lele e atinae le aiga.

“O faiganuu i totonu o le nuu nei, ua matua mamalu a. E moi a o Apia, ae ua tafea le aganuu i Apia ae ua leai ni tagata latou te mafai ona latou faaopoopo tupulaga ma aganuu ao tua i nuu nei, ua matua mamalu ai faiganuu.

“E oo foi le atinaeina o aiga ia i tua nei, e leai ma se aiga e leai se maumaga poo nofonofo fua foi lele e leai se mea e tua ai aua foi lea e galulue tagata, lae a omai latou i mea na omai ai i aso la.

“O le toatele foi o tagata iinei ua o atu i Apia, ia ona o atu foi lea o latou ma galo atu ai le olaga galue aua lae vaai atu e le galulue foi le au Apia.

“O au o lea ou te sau ou te sau ou te faigaluega ma lou faamoemoega lea e iai e totogi ita a e lae iai mea ta te ola ai ita ma lota aiga i o le nuu ae a la na ou sau ou te faigaluega , aua loua tatou silafia uma, e le totogia i ni talo ni aoga a tamaiti aua e totogi i le tupe ae faaaoga le maumaga e aai ai.

“Ou te iloa e au ia e le toe iai sesi e mafai ona fai se suiga i le tau o le soifuaga ae i lou foi ia manatu, e le o pologa le tatou atunuu, aua o lea e iai mea tatou te tua iai, ae tatou te le ‘o faia.

“E moi a e taugata le soifuaga ae la e iai mea tatou te feola ai, ae o le tagata a ia i le nofonofo. 

“Lae iai le sami ma le vao e tua iai.

“E leo pologa Samoa, e leo mativa Samoa, o lea e iai lona tamaoaiga.”

By Aruna Lolani 18 August 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>