Tu’ua Savaii mo Upolu aua se manuia

By Aruna Lolani 18 July 2017, 12:00AM

O lenei vaitaimi o se vaitaimi a faamanuia lava i so’o se galuega, tatou te ave pea tusa lava pe a.

Tusa lava foi pe tuua a tatou aiga.

O Lasela Feleti mai Safotu Savaii ma Aleipata e iloaina le faalogona.

E 25 le matua o lenei tina ma sa laua o ese mai Savaii e omai i Upolu ina ua maua se laua avanoa faigaluega mo le faipule i Falelauniu. 

“Ua atoa nei le tausaga o maua faigaluega iinei,” o lana tala lea ile Fofoga o Samoa.

“O le ma galuega e fai o le vaaiga ole fanua aemaise foi ana mamoe.”

Sa taua e Lasela e toatasi le tama ma o loo nonofo eseese nei latou aua le galuega nei.

“E taua lava le galuega ia maua aua a leai se galuega, e leai foi se tupe e maua e tausi ai le aiga.”

So’o se tagata lava ua malamalama i lalo le la nei, e leai lava se mea e faigofie.

O a foi ni manuia tatou te maua, e iai foi mafatiaga e maua i isi taimi.

“O galuega a ia e maua ai le manuia o aiga ma fanau.”

Sa taua e Lasela o ia e lona iva ile fanauga a ona matua.

O lona malamalamaga, e taua lava le tupe aua o mea uma i nei vaitaimi ua tele ona totogi ina mafai ona e maua.

O lo’o galulue malolosi Lasela ma le tama ole aiga aua le laua tama faapea le aiga i Savaii.

“O le mea taua a o le iai o se galuega aua o le vaitaimi nei ua le toe faigofie se mauaina o se galuega.”

By Aruna Lolani 18 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>