Taua o lou oe lava eleele

Tusia Fetalai Tuilulu’u ma Aruna Lolani ,

92 Hits

Ioane Tau, 47, o Aele Fou.

Ioane Tau, 47, o Aele Fou.

“O eleele o Samoa o measina  a aiga,” Ioane Tau o Aele Fou. 

O le tamā e 47 tausaga le matua o le soifua mai le afioaga o Aele Fou ae o lo’o ia le latou fanau i Tanumalala. 

“Ia o a’u ou te nofo i Aele Fou ae o le isi matou fanua lenei. 

“Ia sa matou o ese lava ma nei a’o laiti ma o le naunautaiga lava o lo’o iai nei o le toe foi mai e fa’ato’a fanua ma eleele aua lava aiga ae le gata i lea o fanau. 

“O le eleele foi lea sa fai muamua ai le maumaga. Talu ai ona ua uma atu matua ma ua o ese atu ma leai ai lava ni e nonofo i nei. 

“O lea tau toso muamua le pa ma fa’amama muamua ona fai ai lea o le maumaga. 

“E pei foi ona silafia o a’u e to’a lima le fanau ma o lo’u to’alua foi e faigaluega. 

“Ia o a’u ia na le fesoasoani lava ma fa’amalosi i tua nei ma fa’ato’a le maumaga e fa’aoga ai fanau. 

Sa ia taua o le fanau e 5 eka le tele. 

“O le fanau nei e fai lava sina tele ma o le ala foi lena o le toe omai i nei ina ia mafai ona maua se isi fa’amama avega. 

“O le taimi nei o lo’o iai le maumaga i tua o le ala foi lea o le taumafai atu o nei ina ia mafai ona so’o uma le maumaga. 

“E le’o iai se mafaufau i le taimi nei e toe foi mai tua nei ae na’o le omai lava e va’ai le fanau ma fa’ato’a. 

“E le’o iai se popolega i le taimi nei i le tu’ulafoaina o le fanua aua o aso uma lava e omai ai e asi mai le maumaga. E le misi matou asiasiga i o matou fanua i tua nei e pei o le ala foi lena le na omai faigofie na toe fa’ato’a ma to fai ai faa’toaga. 

“O le lelei ma le aoga o nei fanua e sili ona taua ae maise lava tagata Samoa. 

“E ao ona tatou tausi ma fa’apelepele iai i taimi uma. A leai nei fanau e leiloa e tagata Samoa le lalolagi e tua iai. 

© Samoa Observer 2016

Developed by Samoa Observer in Apia