O niu mo se tupe fa’asili

Tusia Aruna Lolani ma Fetalai Tuilulu’u ,

82 Hits

Niu fa’atau i aso uma: Miriama Latu o Tuamua Uta, 30.

Niu fa’atau i aso uma: Miriama Latu o Tuamua Uta, 30.

O le tinā ia Miriama Latu e 30 tausaga le matua le soifua o Tuamua Uta ma e to’aono si ana fanau. 

O le maua ai le fa’atalatalanoaga ma le Fofoga o Samoa o lo’o fa’atau niu i luma le latou makeki ma si ana fanau laiti. 

“Ia o le tau mai foi o le tou polokalame o lo’o fa’atau atu nai niu aua se tupe maua mo le fanau i le vaiaso fou.” 

“O le tulaga lava ia o lo’o iai nei si o matou aiga, e leai se tasi e o faigaluega o maua ma le tamā. E na’o maua foi ma le fanau.”

“Ia e pei o le niu lava o lo’o fa’amoemoe iai nei, o le tele lava o le niu e mai e fa’atau o le tele foi lena o le tupe maua le aso.” 

“Ua leva na matou nonofo i nei, o maua e to’aono si a ma fanau ia a’u nei le tina o lo’o taumafai lava ia maua se tupe aua aoga tamaiti.” 

“Ua atoa nei le lua tausaga o o’u faia lenei galuega ma e leai lava se mea e faigata iai, measili la e iai se mea e fesoasoani ai le aiga.”

Sa fa’apea mai le tina o se itu tatau lea ona fai e tagata uma o lo’o su’e galuega e fa’aoga o latou taleni e fausia ai lava ni a latou tama’i galuega e fai i le fale.

“Pei ona fai atu le taimi ua sola, o le fanau lava o lo’o ave ai le fa’amuamua aua se lumana’i manuia o le fanau.” 

Sa ta’ua le tinā le taua o le galue o le eleele. 

“Ioe, po fea lava ma fea ete faigaluega ai ae o la’u lava ia mau o le eleele lava le tupe sili ona mautu.” 

“O le fua o fa’atoaga ma le tele o nisi vaega nei pei o niu ma aufa’i e maua ai foi le seleni ma e lava lelei ma totoe mo le fanau.” 

“O le measili e taua i le fa’ai’uga o le aso, o le faia o se feau lelei mo lou aiga aemaise lava mo le fanau.”

© Samoa Observer 2016

Developed by Samoa Observer in Apia