Fa’amuamua e le tamā le fanau

Tusia Fetalai Tuilulu’u ma Aruna Lolani ,

51 Hits

Talavine Malo mai Faleula ma Tafua

Talavine Malo mai Faleula ma Tafua

O le olaga lenei ua fai lava sina faigata ae o le tagata lava ia i lona fa’atamala ma lona le fa’aoga tatau le taimi. 

O le manatua taula’i lea o le alii ia Talavine Malo, 30-tausaga le matua mai le afioaga o Faleula ma Tafua. 

O Talavine o ia o se tausi-aiga e le faigaluega ae pau lea o lana galuega o lo’o faia ua na’o le galueaina lea o le fanua mo lona aiga.

“O la’u galuega lava lea o lo’o fai i aso uma e o lava le au faigaluega latou ia ae oute usu e fai feau masani ma toto ma sasa sina vao mo le fa'amamaina o le fa'atoaga” o lana tala mai lea i le Fofofga o Samoa.

“O nei aso e pei ua faamoemoe lava le tele o tagata i tupe o lo’o maua mai i totogi ae ia te au lava ia e sili lava le fa'atoaga nai lo le fa'alagolago iai.

“O nei vaitau o tupe lava ua talanoa ai le toatele ma atonu o le ala foi lea ua le toe fia galue ai nisi o tagata i le fa'atoaga ona ua fa'amoemoe tele i le tupe mai le galuega."

“A fua atu i lenei vaitau ma aso ua alu sa fa'amoemoe lava tagata i le fa'atoaga ma le ma'umaga ma o leisi lea seleni pito i tele a nisi o aiga i aso ua mavae ao nei aso o le galuega lava ma ua fa'agalo ai le faatoaga. 

“O a’u e to’afitu le fanau ae ma te  le’o toe nonofo ma lo’u to’alua. "

“Ia o le ma'umaga lava lea e fa’alagolago iai." 

Sa taua le tama le taugata o le soifuaga e le’o fa’aititia ona o le suiga. 

“Atonu o le ala lea ua maualuga ai le tau o le soifuaga ma e avea foi ma luitau i nisi o tagata i le toe foi lea e galulue i le faatoaga aua o lo’o nana lava i le eleele le tele o le mau seleni.

“O nei aso o seleni uma mea uma fai o mea fai a aiga, ao le nu'u foi ma le ekalesia ua talanoa lava i tupe mea uma." 

Na ia taua foi, e tu'uaia lava le tagata ma lona le galue malosi mo lona aiga ae aua le ola faalagolago.

“A galue lava le tagata ia mo lona aiga ae aua le ola fa'alagolago e leai se mea o lea sue gata ai fua ni meaai mo le tausiga o aiga ma fanau."

© Samoa Observer 2016

Developed by Samoa Observer in Apia