Faamatala e Saina lana matātā i totonu o le finauga

Tusia Mathias Huckert ma Faaliliu e Seagaitumua Tupuola ,

155 Hits

Gu Xinqiang.

Gu Xinqiang.

O annafi na talo ai e le Ofisa o le Amapasa a Saina i Samoa se fono puupuu ma tusitala e le masani ai- e faamatala mai ai lana matafaioi i le finauga  o loo faaauau pea  e uiga i le South China Sea, ma le Atu Filipaina..

O lea fono sa usuina i le i le Ofisa o le Amapasa a Saina i Vailima, o lea fonotaga sa taitaia e le Sui o le Faauluuluga o le Amapas o Gu Xinqiang, lea na fai mai o tagata o Samoa e tatau ona latou iloa le “mea moni” e uiga i le mea o loo tupu.

“Ua afaina Saina i lenei mataupu,” o lana faaaliga lea. “Ae peitai-ua noatia matou ina ia fo’ia lenei faafitauli i se faiga to’afilemu lelelei e ala i feutanaiga ma faa-talanoaga. O lnei mataupu e sili ona lelei pe a fai i le faavaeina o ni tulafono ma ni faiga e faatino ai.”

O se faa-talanoaga i Apia na auina mai e peiseai o se faatonuga a se Faamasinoga a Malo Aufaatasi lea ua faaamoemoe o le a maua mai ai se faaiuga i vaiaso o i luma e uiga i le finauga tau le gafaifale i le va o Sina ma Filipaina.

Ua mae’a ona faatinoina e Filipaina taualumaga ia Ianuari 2013, ma finau mai e faapea o tagi a Beijing i se vaega tele o le South China Sea ua soli ai i’ugafono a Malo Aufaatasi. Ae peitai-na musu Saina e auai i le feutanaiga faava-o-malo.

Ae, ua leva ona ia una’ia se faiga tau feutanaiga e fo’ia ai le finauga tau teritori. Ua maua e Saina le toetoe lava o le South China Sea atoa, lea o loo faamaninoina lelei i luga o lana faafanua faatasi ai ma se “nine dash line.”

“Ua le gata ina soli e Filipaina a latou maliega ma Saina, e ua latou soli foi aiaiga o le fuaiupu a Malo Aufaatasi ma faaaoga sese ona taualumaga,” o le faaliga lea a Mr. Xingquiang.E tumau lona mafaufau e le auai Saina i taualumaga faale-tulafno a Malo Aufaatasi ma o le a na le aloa’ia le faaiuga.

“O le taualumga faapitoa o taualumaga e fai ai le tonu o loo i totonu o le fuaiuu a Malo Aufaatasi-e le aoga i le finauga i le va o Saina ma Filipaina.”I le avea ma atunuu o i le ogatotonu o le Vasa Pasefika tele, fai mai Mr. Xinqiang ua faatulagaina Samoa e avea ma “atunuu i le sami” ma o le finauga o loo aafia ai le South China Sea e ono fiafia i ai tagata o Samoa talu ai e aafia ai le “tulafono faava-o-malo o le Sami.”

“Matou te manatu o se mataupu taua e maua mai ai se iloa o le lalolagi mo tagata i Samoa nei,” o lana faaaliga lea. O le fuaitau o le South China Sea ua avea ma upu faigata i tausaga faatoa mavae atu ma matou te lagona e taua tele ona faamalamalama tagata i le mea o loo tupu mai.”

Ina ua fesiligia pe o le a le lagona o Saina i le faaiuga a Filipaina, na matua le gagana le Sui Taitai o le Savali. 

 “Afai e faamalosia e le tasi atunuu le isi atunuu i ni feagaiga faava-o-malo poo se maliega, e auanoa ma le fesiligia mua o le isi atunuu, matou te popole ona o lenei itu e i’u ina avea ma ala e fo’ia ai faafitauli i le lumana’i,” o lana faaaliga lea.

“O le tulaga lenei e mafai foi ona tulai mai totonu o le itulagi o le Pasefika i Saute, ma o le mea lea ua matou maua ai le taua ona faailoa i tagata o Samoa lea mataupu.”O le finauga a Mr. Xinqiang o le vasa o loo finau ai e pule ai Saina.

“O atumotu o le South China Sea ua leva ona avea ma teritori o Saina mo senituri. I le faagasologa o le 1970, sa i ai le anoano o puna’oa faale-natura, e pei o le suau’u ma puna’oa tau le kasa sa maua i totonu o lea vaega-elele.”

Ina ua fesiligia pe o le a le isi gaoioia a Saina, fai mai Mr Xingqiang o le a faaauau pea ona talia e lona le faaiuga na fai e Filipaina.”Na ia toe ta’ua e faapea o lo latou faamoemoe ia ‘ausia se “se faaiuga to’afilemu.”

Sa le mafai foi ona maua mai se manatu mai le malo o Filipaina poo se malo o Samoa i le taimi o lenei lomiga anapo.

FAAMATALAGA LAUTTUA E UIGA I LE FINAUGA MAI STRAITS TIMES  LE  TAUA O LE SOUTH CHINA SEA 

O le sami e 3.5 miliona kilomita faatafafā ma e talitonuina o loo i ai ni nofoaga o oloa faaagaga tau suau’u, kasa masani, oloa tau i’a, ma le anoano o ala mo le ‘afa o vaa tau fefaatauaiga a le lalolagi. O loo ta’ua e faapea o ni ona vaega poo le sami atoa o loo umia e Saina, Filipaina, Vietnam, Brunei, Meleisia ma Taiwan. O le tele o ia mau e fesopoa’i.  

TAGI A SAINA 

E pule Saina toetoe lava o le South China Sea atoa, lea o loo faamaninoina i luga o lana faafanua faatassi ai ma ni “dash lines se iva” O le Feagaiga a Malo Aufaatasi e uiga i le Tulafono o le Sami (Unclos), lea o loo saini ai Saina i le avea ma malo, ua tuuin atu ai i atunuu sone faapitoa tau tamaoaiga  e 200 maila tautai, poo le 370 kiilomita, mai o latou gataifale.

Ae fai mai Saina o lana tagi e afua mai le faaaogaina tau le tala faasolopito o le sami e vaa o Saina i le mamao i tua i le 2,000 tausaga talu ai. 

Ua loa ona faaalia e Beijing lona tulaga e ala i galuega tau le tanumia o le sami. O se lipoti a le Pentagon na tatala mai i tua ia Me o loo faatatauina ai e faapea ua uma ona tanu e Saina le 1,300 ha o eleele i le faataamilo i le Spratly Islands, na ta’ua foi e Filipaina i le lua tausaga talu ai.

Ua uma foi ona fausia e Saina ni fausaga tetele, e aofia ai faiga tau radar ma malae vaalele, i luga o le a’au ma motu laiti ua uma ona tanumia. .O Beijing, i le tasi itu, e le o mautonu i le naunau tele o le Iunaite Setete i Asia ma fuafuaga a le Iunaite Setete i le sami, e aofia ai folauga a vaatau e latalata i atumotu na tanumia mai le sami. 

O loo mau pea le taofi o Saina e le auai i taualumaga tau fonotaga a Malo Aufaatasi e saili ai se tonu ma na te le aloaia le faaiuga. Fai mai o le mataupu a Manila e faasino i se mataupu tau pulega faa-teriori, lea e le au i ai le pule a le tulafono-ae o le faaliliuina poo le faaaogaina o le Unclos. 

O LE TAGI A FILIPAINA 

O loo pulea e lea atunuu le Spratly Islands, lea ua faaigoaina o Nansha e Saina. O le Motu o le Mischief Island o lea vaega e saofa’i i se mamao e 240 kilomita mai le motu o Palawan Island o Filipaina ma e 900 kilomita mai le motu o Saina o Hainan Island. 

O loo tapa foi e Filipaina le pule o le Scarborough Shoal (lea ua faaigoaina o Huangyan Island i Saina), lea e sili teisi atu i lo le 160 kilomita mai le Atu Filipaina ma e 800 kilomita mai Saina. O motu e lua o Spratlys ma Scarborough Shoal o loo pulea foi e Saina.

 O LE TULAGA O LE IUNAITE SETETE 

Ua faamatalaina e le Iunaite Setete le mataupu i le South China Sea o se tasi  lea o mataupu autu faale-malo. O loo popole Uosigitone  i le taumafai o Beijing e faataoto pulega tau fitafita i lea vaega atoa, lea e ono afaina ai le faaaogaina e le faatapulaaina o ogasami faava-o-malo ma le ‘ea e fitafita a le Iunaite Setete. O loo taofia ai foi se taumafaiga a se isi setete malosi e fia malosi i malo laiti e ‘au ma Amerika i totonu o le itulagi.

O vaalele o le fitafita a le Iunaite Setete ma vaa ua latou faatinoina  se “sa’olotoga tau folauga” e latalata i Spratly ma Scarborough Shoal i nai masina talu ai e faaleaogaina ai le tulaga o Uosigitone, lea ua le fiafia ai Saina. 

ISI E AIA I AI MA ATUNUU

Taiwan, lea i le vaai a Saina o se atunuu ua toe ola mai ma e le o aloa’ia e avea ma malo tutoatasi e le tele o vaega o le lalolagi, ua na faalavelaveina le faaiuga a Malo Aufaatasi ia Aperila, e una’i lana lava talosaga. O Taiwan, Meleisia, Indonesia ua auina atu o latou sui i ia faamasinoga. Ua faapea foi Iapani, lea o loo taavalevale i totonu o lana lava finauga tau teritori ma Saina i le East China Sea. 

Ua tuuina atu e Vietnam se tusi e lagolago ai finauga a Filipaina e faapea e leai se pule faa-faamasinoga a le faamasinoga ma na talosgaina ai le faamasinoga ina ia matua aloa’ia aia tatau faale-tulafono a Vietnam ma ana meatotino. O ia gaoioiga ua faaalia ai e faapea o nisi o nei atunuu latou te ono aveina foi Saina i le faamasinoga i le lumana’i. Fai mai le Iuni a Europa e tatau ia Saina ona na aloaia le faaiuga. .O le Matagaluega o le Va i Fafo a Saina, i le taimi nei-ua na ta’ua le lagolago mai isi atunuu eseese e pei o Cambodia ma Yemen.

© Samoa Observer 2016

Developed by Samoa Observer in Apia