TALA FAASOLOPITO O SAMOA MAI LE AMATAGA

620 Hits

EKALESIA LMS I MALUA

O le Fale Lomitusi i Malua o le ata vaaia aloa’ia lea o le Kolisi Faa-faife’au talu ona faavae. O le 1905 na vaaia  ai le faatuina o se fale manaia fogāfale-lua e fausia i le ma’a, a’o lea galuega sa faatino lava e A’oa’o o le Kolisi i Malua.

Na nofoia lenei fale fou ia Fepuari 1906, ina ua maua mai ma faapipi’i masini uma, faatasi ai ma se masini atoa e tu’u mavaevae ai galuega a le fale lomitusi. O lea vaega fou na mafai ai ona galueaiina mea a’oga uma mo a’oga a le ekalesia-o api a’oga, pepa mo lomiga,api laity ma le tele lava o isi mea.

O matagaluega e gafa ma le faatulagaina o lomiga ma le su’iina o tusi sa faaaogaina ma le fogāfale-lua ae o potu mo lomiga ma le tapenaina o mata’itusi- sa i le fogāfale i lalo. O le mekasini, O le Sulu Samoa (Samoan Torch) sa masani ona lomia i masina uma.

O se tusi itiiti e aogā tele e fai ma ta’iala pe fai foi ma tusi itiiti e faamaumau ai mea uma e tutupu i aso ta’itasi- sa masani foi ona lomia i masina ta’itasi. O nisi nei o tusi na mae’a ona lomia i lea taimi, o nisi sa ta’ilua lomiga- talu ona faavae le fale lomitusi.

Tusi o le Gagana Samoa ma le Gagana Siamani ma le Tusi o le Gagana Siamani ma le Gagana Samoa (sa ta’ilua ona fai lomiga); o le Tala Faasolopito o le Feagaiga Tuai (lua lomiga) , Tala Faasolopito o le Feagaiga Fou (lua lomiga).

Tala o le Lalolagi mo Vasega Amata (lua lomiga),o Aga ma Tu a Tagata Eperu, Tusi o Upu Si’i mo Tagata Tafafao Mai, Lomi Fefiloi o le Gagana Peretania ma le Gagana Samoa, ma Tala i Toa o Arapi.

O galuega tetele, e lē taumate e faasino lea i le Lomi Fefiloi a Misi Palate o le Gagana Samoa i le Gagana Peretania, lea na toe iloiloina atoa e Rev. J.W. Newell- ma toe lomia mulimuli ane ai, ma sa faamoemoe Kilifi o le pule lea o le Fale Lomitusi -e toe lolomi i le 1907.

O isi lava lomiga e pei o Pese Lotu,tauloto ma isi- sa mafai foi ona faatino i ni nai tausaga- talu ona faavae le fale lomitusi.

Ae tatau foi ona ta’ua e faapea o alii sa galulue i lea fale lomitusi -e mai a’oga i nuu i tua- ma sa matua lafoa’i lava i o latou uiga faa-tama talavou o Samoa, ae galulue mo le valu itula i le aso ma le ‘afa aso malolo i Aso Toanai.

Sa latou matua faaalia o i latou o ni tama talavou faatuatuaina- ma ua popoto ma atamamai i o latou faiva ma tiute tau lomitusi ma le su’iina o tusi. O le mea moni, sa matua faatuatuaina i latou i o latou tiute- e pei lava o tagata faigaluega Papalagi.

© Samoa Observer 2016

Developed by Samoa Observer in Apia