O le naunautaiga lea o soo se matua ina ia ola lelei ma ola manuia a latou fanau mo nei ma le lumanai, ma e tatau ai lava ona faamuamua e matua soo se manaoga a fanau mo lo latou manuia.

O le manatu lea o le tina ia Mareta Tauna, 35 tausaga le matua mai le afioaga o Lepa,Aleipata.

O le faamuamua a le tina o lo’o ave lea i lana fanau aoga aua so latou lumanai manuia.

“E na’o le toatasi lava le ma tama o lo’o aoga ma r faigata lava lo matou aiga e ausage foi e le faigaluega uma maua, ma o le ma faamoemoega o le ma faatoaga” o lana tala lea i le Fofoga o Samoa.

“O le faatoaga lava o lo’o ma faamoemoe iai mea fai a lo matou aiga, e faatau e maua mai ai le tupe e fesoasoani a ii mea fai a lo ma aiga, aemaise lava mea fai i totonu o lo ma aiga.

Na ia tau’a foi e le’o naunau e saili sana galuega mo le lumanai.

“E sili lava ia au le nofo i le aiga ma atiae lo ma aiga aemaise i lea o le ave lea o la’u tama i le aoga ma fai feau faa-le tina i totonu o le aiga o le tausiag lea o le aiga.

Na ia faailoa foi po o le a lava le taugata o le soifuaga i lenei vaitau, ae na te talitonu lava a galue lava le tagat ia mo lona aiga ma faia mea uma mo le tausiga o lona aiga, e leai se mea o lea faigata ai fua le olaga.

“A alu lava i luma le olaga ua alu ai foi i luma ma le tau o le soifuaga i le taugata lea, ua le gafatia lava ae o le naunautaiga o le faamuamua o fanau nai lo seisi lava mea o lenei olaga.