4.6 miliona tala ua tu’uina atu e le Digicel

18 March 2016, 12:00AM

Fa’alilu e Maiava

 

E silia i le fa-miliona le anoanoa o mafuaga ua tatau ai ona ‘oli’oli ma fiafia le ‘aufai-sea a le Vaega a le CSL Mobile.

E mafua, ona o ananafi na totogiina ai e le Digicel Samoa, nisi o kamupani fai-sea i le lotoifale lava o Samoa. O lea siaki-tupe e fa-miliona, onoselau, lima-sefululua afe, faselau sefululua tala ($4,652,412.00) sa taua’aoina atu le Ta’ita’ifono o le Digicel Samoa, o Pepe Christian Fruean ma le Ofisa Sili, o Rory Condo. 

O i latou na taliaina lea seleni, e aofia ai le Ofisa Sili o le NPF, o Faumuina Esther Lameko-Poutoa, le Ofisa Sili o le Fa’alapotopotoga Inisiua a Samoa, o Le’iataua Alden Godinet ma le Ofisa Sili o le Kamupani Komepiuta, le SCL, o La’eimau Oketevi Tanuvasa. 

Na fa’aalia e Faumuina, o lea seleni ua fa’ailoa ai le lelei o fuafuaga a le malo na faia i le sefulu tausaga talu ai, e fa’amatu’uina atu ai se 20 pasene e teu-fa’avaitaimi ai i le Digicel.

“O lea faiga-fa’apa’aga aoga, ua saofaga ai le toe fa’amatu’uina atu i le atunu’u o ‘au’aunaga tau-feso’ota’iga nei, le fa’atinoina o atina’e la’utele ae maise o tupe maua mo le malo ma le ‘au-fai-sea i le lotoifale e pei ona va’aia nei, ua matua fa’amanuiaina ai le ‘aufailafoga a le NPF,” o le fa’aaliga lea a Faumuina.   

Na fa’ailoa e fa’atonu o le CSL Mobile, o le manuia o lea faiga fa’aPisinisi e afua ma ii le lagolago a tagata Samoa o lo’o fa’aaogaina ‘au’aunaga a le Digicel, lea ua matua fa’ato’ateleina pea i telefoni fe’avea’i ma ‘au’aunaga fa’aInitaneti i tausaga ua mavae. 

Na fa’amautuina fo’i e Condon le naunau pea o la latou kamupani e fa’aauau lea faiga-fa’aPa’aga ma Samoa i le lumana’i.

“O le mae’a ai ona totogiina atu o lea seleni tele, ua taula’i ai le silasila a tagata faiSea ma Fa’alapotopotoga i le atunu’u, e fa’aauau pea ia fa’amanuiaga mo sui-‘auai,” o lana fa’aaliga lea. 

“O se fiafiaga tele lea, le iai pea o le lagolago mai tagata Samoa, lea ua fa’aalia e ala i fa’amanuiaga mo le lautele o le atunu’u,” o lana saunoaga lea. 

 “Ua mitamita ai lava e fa’aauau pea lea ‘au’aunaga ma le fa’amoemoe ia fa’ateleina ai avanoa faigaluega mo lo tatou atunu’u” – Rory Condon

Talu le amataga i le 2006, ua silia i le sefulutasi miliona tala ua toe fa’amatu’u atu e le Digicel Samoa mo tagata Samoa e ala i le tele o polokalame lagolago ma fa’ailoga ‘ese’ese e una’ia ai pea ma fa’aauau le ‘au’aunaga mo le mamalu lautele o le atunu’u. 

O se fa’aopoopoga lea i tupe ua silia i le tolu miliona tala, lea sa masani ona totogi ma fa’amatu’u atu i tausaga ua mavae i le CSL Mobile. 

 “Ua mafai nei mea uma ona o le lagolago a pa’aga ma le lautele o le atunu’u, lea e aupito fa’atauaina i le manuia ua iai nei, e momoli ai le fa’afetai tele,” o le saunoaga lea a Pepe.

18 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>